Martın 9-da Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan ilə telefon danışığı aparıb. Azərbaycan Respublikası Prezidentinin Mətbuat Xidmətinin yaydığı məlumata görə, dövlət başçısı Türkiyə ərazisini hədəf alan raket hücumunu qəti şəkildə pisləyib və qardaş ölkənin xalqı ilə həmrəy olduğunu bildirib. Türkiyə lideri göstərilən diqqətə və dəstəyə görə Azərbaycan Prezidentinə təşəkkürünü ifadə edib.

ABŞ prezidenti Donald Trump iranlı qadın futbolçularla bağlı çağırış edib. O, sosial şəbəkə hesabında paylaşım edərək bildirib ki, Avstraliya hökumətinin İranın qadınlardan ibarət milli futbol komandasının beş üzvünü ölkələrinə geri göndərməsi ciddi humanitar səhv olar. Tramp qeyd edib ki, futbolçular deportasiya edilərsə, onların həyatı təhlükə altına düşə bilər. O, Avstraliya baş nazirinə müraciət edərək idmançılara sığınacaq verilməsini istəyib və əlavə edib ki, əgər bu mümkün olmasa, ABŞ onları qəbul etməyə…

İsrail Minabda qızlar məktəbinə hücumda iştirak etmədiyini açıqlayıb İsrailin BMT-dəki daimi nümayəndəsi Denni Danon bildirib ki, Hərbi Hava Qüvvələrinin İranın Minab şəhərindəki ibtidai məktəbə edilən hücumla əlaqəsi yoxdur. O, jurnalistlərin sualına cavab olaraq qeyd edib: "Hadisəni araşdırırıq və Hərbi Hava Qüvvələrinin bu hücumda rolu olduğuna inanmırıq". Danon əlavə edib ki, İsrail yalnız hərbi obyektlərə zərbə endirir, mülki hədəflərə toxunmur.

Bu gün 11 illik orta təhsil səviyyəsi üzrə buraxılış imtahanı təşkil olunub. İmtahan üçün ölkə üzrə 236 bina və 4311 imtahan zalı ayrılıb. Prosesin idarə olunmasında 236 ümumi rəhbər, 691 imtahan rəhbəri, 5388 nəzarətçi, 764 mühafizə əməkdaşı və 236 bina nümayəndəsi iştirak edib. Dövlət İmtahan Mərkəzinin məlumatına görə, yazılı cavab tələb edən açıq tipli tapşırıqların yoxlanılması müəyyən vaxt tələb etdiyindən nəticələr təxminən 7 həftə sonra açıqlanacaq.