Mingəçevirdə bədbəxt hadisə baş verib. Şəhərdə “Dəli Kür” restoranının yaxınlığında yerləşən yarımstansiya ərazisində bir nəfər elektrik cərəyanının təsirinə məruz qalıb. 1981-ci il təvəllüdlü Mahmudov Zaur Musa oğlu iş zamanı cərəyan vurması nəticəsində hadisə yerində vəfat edib. Faktla bağlı müvafiq qurumlar tərəfindən araşdırma aparılır.

Yaxın Şərqdəki gərginlik səbəbindən uçuşları ləğv olunan Azərbaycan vətəndaşlarının Səudiyyə Ərəbistanının Ciddə şəhərindən Bakıya təhlükəsiz şəkildə gətirilməsi təmin olunub. Report-a  istinadən bildiririk ki, AZAL-a məxsus “Boeing 787 Dreamliner” təyyarəsi Heydər Əliyev Beynəlxalq Aeroportuna eniş edib. Xüsusi təxliyə reysi ilə 200-dən artıq vətəndaşın ölkəyə qayıdışı həyata keçirilib.

İran Prezidenti Məsud Pezeşkian qonşu və dost dövlətlərin rəhbərlərinə müraciət ünvanlayıb. O, “X” platformasında paylaşdığı açıqlamada qeyd edib ki, Tehran ABŞ və İsraillə qarşıdurmadan yayınmaq üçün diplomatik yollara üstünlük verib. Lakin onun sözlərinə görə, həyata keçirilən hərbi hücumlar İranı özünü müdafiə etmək məcburiyyətində qoyub. Pezeşkian vurğulayıb ki, İran region ölkələrinin ərazi bütövlüyünə və suverenliyinə hörmətlə yanaşır. O əlavə edib ki, bölgədə sabitliyin və təhlükəsizliyin təmin olunması yalnız…

Türkiyə Prezidenti Rəcəb Tayyib Ərdoğan İrandan ölkəsinə doğru buraxılan raket məsələsinə münasibət bildirib. O, bu gün hərbçilərlə birlikdə təşkil olunan iftar proqramında çıxış edib. Ərdoğan vurğulayıb ki, regionun mürəkkəb mərhələdən keçdiyi bir vaxtda Ankara heç nəyi təsadüfə buraxmır və baş verən son hadisə ilə bağlı NATO üzrə müttəfiqlərlə sıx təmaslar saxlanılır, lazımi addımlar atılır. Dövlət başçısı qeyd edib ki, Türkiyənin öz torpaqlarında sülh və sabitliyi qoruması üçün çəkindirmə gücü daim…