Uşaqlar öz bayramlarında böyüklərə tamaşa göstərdilər

İyunun 1-də Uşaqların Beynəlxalq Müdafiə günü Mingəçevirdə əvvəlki illərdən fərqli şəkildə keçirilib.  Şəhərin bağçalarında tərbiyə alan balacalar  Dövlət Dram Teatrının səhnəsində bacarıq və istedadlarını nümayiş etdiriblər. Onlar ana, vətən və ulu öndərə həsr olunan şən mahnlar oxuyub, şeirlər söyləyib, milli və xarici rəqsləri ifa ediblər. Saat yarımdan artıq davam edən tamaşa ağzınacan dolu salonda valideynlərin və qonaqların alqışlarına səbəb olub.  Tamaşanı izləyən İcra Hakimiyyəti başçısı səhnəyə qalxaraq, uşaqları təbrik edib və onlarla birgə şəkil çəkdirib.

Fərman Nəbiyev

https://www.mi-news.az/

1960-cı ildə doğulub. 1986-cı ildə BDU-nun jurnalistika fakültəsini bitirib. 1980-ci ildən mətbuatda çalışır. 1999-cu ildən “Mingəçevir işıqları” qəzetinin baş redaktorudur. 1989-cu ildə “Qızıl Qələm”, 2002-ci ildə H.B.Zərdabi, 2018-ci ildə Ali Media mükafatlarına, 2010-cu ildə Əməkdar jurnalist fəxri adına layiq görülüb. Dəfələrlə bir neçə beynəlxalq təşkilatın yazı müsabiqələrində qalib olub. Ailəlidir, 3 övladı var.

Müəllifin bütün yazılarına baxın