Azərbaycanın Birinci vitse-prezidenti Mehriban Əliyeva sosial şəbəkələrdə Od çərşənbəsi ilə bağlı təbrik mesajı paylaşıb. Paylaşımda belə deyilir:"Uca Allah mərhəmətini xalqımızdan heç vaxt əsirgəməsin! Od çərşənbəniz mübarək!"

Birləşmiş Ərəb Əmirlikləri hakimiyyəti İranın raket və dron hücumlarına cavab olaraq potensial zərbə planlarını müzakirə edir. Axios xəbər verir ki, BƏƏ rəhbərliyi bu addımı ölkənin 186 raket və 812 dron hücumuna məruz qalmasından sonra nəzərdən keçirir. İranın hücumları əsasən Əbu-Dabi və Dubay şəhərlərini hədəf alıb. Bu vəziyyət Körfəz regionunda gərginliyi artırıb. BƏƏ rəhbərliyi müttəfiqlərlə birgə hərbi əməliyyatları koordinasiya etməyi planlaşdırır, lakin mümkün hücumların konkret vaxtı və həcmi hələ açıqlanmayıb.

ABŞ Prezidenti Donald Tramp Ağ Evdə Fridrix Merzlə görüşü zamanı bildirib ki, İspaniya ABŞ-a bazalarından istifadə icazəsi verməyib. Tramp bu səbəbdən ABŞ-ın İspaniya ilə bütün ticarət əməliyyatlarını dayandıracağını açıqlayıb. Həmçinin, o, Böyük Britaniyadan da narazı olduğunu və iki ölkə ilə əlaqələrdə müəyyən gərginliklərin mövcud olduğunu qeyd edib. Prezident vurğulayıb ki, ABŞ milli maraqlarını qorumaq üçün sərt addımlar atmağa hazırdır.

Səudiyyə Ərəbistanının paytaxtı Ər-Riyadda yerləşən ABŞ səfirliyi İranın pilotsuz uçuş aparatlarının hücumuna məruz qalıb. Zərbə nəticəsində binanın dam örtüyünün bir hissəsi zədələnsə də, xəsarət alan olmayıb. Bundan başqa, Küveyt şəhərində də iki dron səfirliyin ətrafına düşüb. Hadisə zamanı nə insan itkisi, nə də ciddi maddi ziyan qeydə alınıb. Bildirilir ki, hücum anında hər iki diplomatik nümayəndəlikdə əməkdaşlar olmayıb. ABŞ İordaniyadakı səfirliyində çalışan personalı da müvəqqəti olaraq təxliyə edib. Hücumlarda…