Veteran futbolçular arasında mini-futbol üzrə şəhər çempionatı başa çatıb

Mingəçevir şəhər Gənclər və İdman İdarəsinin tədbirlər planına uyğun olaraq Yaşar Məmmədzadə adına şəhər stadionunda veteran futbolçular arasında mini-futbol üzrə şəhər çempionatı keçirilib. Çempionatda dörd komanda İsveçrə sistemi üzrə mübarizə aparıb. Çempionatın final mərhələsində “İşıqlı gələcək” komandası ilə “Referi” komandası görüşüb.

Gərgin mübarizə şəraitində keçən oyun 1:1 hesabı ilə başa çatıb. Əlavə vaxtda qalib müəyyən olunmadığı üçün cərimə zərbələrindən istifadə olunub. Nəticədə  “İşıqlı gələcək” 2:1 hesabı ilə qalib gəlib. Sonrakı yerlərə Referi-II və Mingəçevir Dövlət Universiteti-III komandaları sahib olublar. Qaliblərə Mingəçevir şəhər Gənclər və İdman İdarəsinin kubok və fəxri fərmanları verilib.

Mahir Əliyev,

Mingəçevir şəhər Gənclər və İdman İdarəsinin İdman sahəsi üzrə baş məsləhətçisi