Mingəçevirdə qadın əri tərəfindən bıçaqlanıb

Mingəçevirdə 37 yaşlı qadın bıçaqlanıb. Bu barədə APA-nın Mingəçevir bürosu məlumat yayıb. Hadisə Koroğlu küçəsi 26 ünvanında baş verib. 1983-cü il təvəllüdlü şəhər sakini İsayeva Fərqanə Tahir qızı əri tərəfindən bıçaqlanaraq ağır xəsarət alıb və xəstəxanaya yerləşdirilib. Lakin həkimlərin tibbi müdaxiləsinə baxmayaraq, beş bıçaq zərbəsi alan İki uşaq anasının həyatını qurtarmaq mümkün olmayıb. Faktla bağlı hazırda istintaq araşdırmaları aparılır.