2006-cı il təvəllüdlü Yevlax şəhər sakini Turan Rüstəmov qətlə yetirilib.
Yevlax rayon Hacıselli kənd orta məktəbinin XI sinifində təhsil alan Turan Rüstəmov Şağan Olimpiya İdman Kompleksində qətlə yetirilib.
![](http://mi-news.az/wp-content/uploads/2022/11/317089970_1277332073117545_6419997641873503855_n-196x300.jpg)
Bu barədə Baş Prokurorluğun mətbuat xidmətindən məlumat verilib.
Məlumata görə, Sumqayıt şəhər sakini 2002-ci il təvəllüdlü Ruslan Səfixanovun şəxsi münasibətlər zəminində aralarında yaranan mübahisə zamanı T. Rüstəmova bıçaqla xəsarət yetirərək qəsdən öldürməsinə əsaslı şübhələr müəyyən edilib.
![](http://mi-news.az/wp-content/uploads/2022/11/316816699_1277332096450876_5664470895998247909_n-300x223.jpg)
Ruslan Səfixanov şübhəli şəxs qismində saxlanılaraq istintaqa təhvil verilib.
Faktla bağlı Xəzər Rayon Prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi başlanıb.
![](http://mi-news.az/wp-content/uploads/2022/11/316685294_1277331889784230_1619224552548578997_n-201x300.jpg)
XI sinif şagirdi CUDO üzrə idman yarışlarının qalibi Rüstəmov Turan Zəka oğlunun dəhşətli şəkildə qətlə yetirilməsi xəbəri bütün müəllim və şagird kollektivini o cümlədən yeniyetmələr arası idmançılarıda dərindən sarsıdıb.
Qeyd edək ki, cüdoçu Ruslan Səfixanov cüdo üzrə əməkdar məşqçi Elçin Səfixanovun oğludur.
ALLAH RƏHMƏT ELƏSİN!
Şərhlər bağlıdır.