“Gənc qazilər” qazi övladlarına məktəb ləvazimatları hədiyyə etdilər

“Qarabağ Qaziləri” İctimai Birliyi nəzdində fəaliyyət göstərən “Gənc qazilər” təşkilatının Mingəçevir filialı yeni dərs ili ərəfəsində qazi övladlarını sevindirib. Onlar iş adamı Hacı Vüsal Əlibəylinin maddi dəstəyi 45 qazi ailəsinin hər birinə 18 adda məktəbli ləvazimatını hədiyyə ediblər.

Mingəçevir Gənclər Evində baş tutan tədbirdə filialın rəhbəri, 12 saylı məktəbin hərbi hazırlıq müəllimi  Namiq İbrahimli uşaqlara qazı yoldaşlarını da təqdim edib. Həm də diqqətə çatdırıb ki, bundan sonra hər bir qazı övladı Gənclər evindəki dərnəklərdən ödənişsiz istifadə edə biləcək.