İran prezidenti Məsud Pezeşkian Pakistanın Baş naziri Şahbaz Şərif ilə telefon danışığı zamanı bildirib ki, Yaxın Şərqdəki ABŞ bazalarına qarşı hücumlar davam etdiriləcək. İranın dövlət televiziyası prezidentin sözlərini sitat gətirib. Pezeşkian həmçinin beynəlxalq ictimaiyyəti və təşkilatları İrana qarşı müharibənin arxasında duran qüvvələri araşdırmağa çağırıb. O vurğulayıb ki, bu məsələyə laqeyd yanaşmaq dünya nizamı və təhlükəsizliyinə ciddi təsir göstərə, xaosa və qeyri-sabitliyə yol aça bilər.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən 2026-cı il üzrə keçirilən müsabiqələrin nəticələri sabah elan olunacaq. Agentliyin ictimaiyyətlə əlaqələr üzrə meneceri Ülviyyə Qarayeva bildirib ki, bu il müsabiqələrə 981 təşkilat müraciət edib ki, bu da indiyədək qeydə alınan ən yüksək göstəricidir. Qeyd olunub ki, QHT sektorunda son illərdə aparılan islahatlar və müsabiqələrin şəffaf keçirilməsi ictimai etimadı artırıb. Lakin keyfiyyət hələ də prioritet olaraq qalır. Müraciət…

Nazirlər Kabineti Müdafiə Nazirliyinin hərbi qulluqçularının və mülki işçilərinin maaşlarında dəyişiklik edib. Qərar Baş nazir Əli Əsədov tərəfindən imzalanıb. Dəyişikliyə əsasən, 2025-ci il 25 aprel tarixli 138 nömrəli qərarla təsdiqlənmiş hərbi qulluqçuların aylıq vəzifə (tarif) maaşları və dövlət qulluqçusu olmayan mülki işçilərin aylıq maaşları yenilənib. Sənəd Azərbaycan Respublikası Prezidentinin 2025-ci il 29 oktyabr tarixli fərmanının icrasını təmin etmək məqsədilə qəbul olunub.

Milli Məclisin Aqrar siyasət komitəsinin üzvü Vüqar İskəndərov komitədə keçirilən “Kənd təsərrüfatında süni intellektin tətbiqi: nəticələr və perspektivlər” mövzusunda ictimai dinləmədə bildirib ki, Azərbaycanın növbəti mərhələdə ağıllı kənd təsərrüfatı modelinə keçidi həm real, həm də zəruridir. O qeyd edib ki, “Ağıllı fermer” adlı milli süni intellekt platformasının yaradılması məqsədəuyğun olardı. Bu platforma məlumat bazalarını birləşdirərək fermerlərə mobil tətbiq vasitəsilə fərdi tövsiyələr təqdim edə bilər.