Cəmiyyət

Bir Azərbaycan və bir Ermənistan vətəndaşı geri qaytarılıb

BQXK Azərbaycan və Ermənistan vətəndaşlarının qaytarılmasında yardımçı olub

Bu gün, Beynəlxalq Qızıl Xaç Komitəsinin (BQXK) himayəsi altında keçirilən əməliyyat zamanı, bir Azərbaycan və bir Ermənistan vətəndaşı geri qaytarılmışdır. Bu günkü təhvilvermə beynəlxalq sərhəddə – Ermənistanın İcevan və Azərbaycanın Qazax şəhərləri arasındakı yolda baş tutmuşdur. Azərbaycan vətəndaşı 16 mart 2019-cu il tarixində beynəlxalq sərhəddən Ermənistana, Ermənistan vətəndaşı isə 20 iyun 2017-ci il tarixində beynəlxalq sərhəddən Azərbaycana keçmişdir.

BQXK, neytral vasitəçi qismində və öz mandatına uyğun olaraq, Azərbaycan və Ermənistan hakimiyyət orqanları ilə birgə bu repatriasiynının keçirilməsinə yardımçı oldu.

BQXK, saxlandığı dövr ərzində və eləcə də öz ölkələrinə  təhvilvermədən əvvəl həmin şəxslərə mütəmadi olaraq baş çəkərək onların saxlanma şəraitini və onlarla necə davranıldığını qiymətləndirmişdir.

Cenevrə Konvensiyalarına əsaslanan mandatına uyğun olaraq BQXK, Dağlıq Qarabağ münaqişəsi ilə bağlı, 1992-ci ildən bəri bu regionda humanitar fəaliyyət göstərir.

Tag
Daha çox

Oxşar yazılar

Close