Bizimlə həyatınız həmişə işıqlı olacaq!

Allahı və yaradılışı inkar etmək məqsədilə yaradılan nəzəriyyə

Darvinizm “təsadüfən palçıqlı suda ilk hüceyrə əmələ gəlib” iddiasıyla ortaya çıxmış bir nəzəriyyədir

9

Darvinistlər iddia edirlər ki, insanlar darvinizmi və Darvini “Darvin adlı ağılsız!”, “Ay camaat, baxın, biz meymuna necə bənzəyirik, deməli, biz meymundan əmələ gəlmişik” deyərək müxtəlif provokasiyalarla səthiləşdiriblər.

Halbuki bu, hiylədir. Heç bir provokasiya yoxdur. Sadəcə son illərdə insanlara bilmədikləri həqiqətlər açıqlanmışdır. Onlara illərlə aldadıldıqları sübut edilmişdir. Darvinizmin yalan olduğu, ancaq təbliğat yoluyla dirçəldildiyi, darvinistlərin – vəziyyətdən çıxmaq üçün – saxta dəlillər uydurduğu, bircə dənə də ara-keçid fosili olmadığı halda insanları “ara fosil tapmışıq”, kimi yalanlarla aldatmağa çalışdığı izah edilmişdir. İnsanlar illərlə gizlədilmiş 100 milyon fosili görüblər. Sərgilərdə şəxsən öz əllərilə bu fosillərə toxunublar və milyon illər boyu canlıların ƏSLA DƏYİŞMƏDİYİNİ qavrayıblar. Artıq onları aldatmaq mümkün deyil.

Darvinistlərin şikayətləndiyi məsələ əslində budur: insanların şüuru açılıb. Darvinizmin cəfəngiyyat olduğunu anlayıblar. Ona görə təkamülçülər darvinizmin səthiləşdirildiyi bəhanəsiylə narahatlıqlarını ifadə edirlər. Halbuki darvinizm səthiləşdirilməyib, sadəcə darvinizmin bəsit, saxta üzü ortaya çıxarılıb.

Darvinizm “təsadüfən palçıqlı suda ilk hüceyrə əmələ gəlib” iddiasıyla ortaya çıxmış bir nəzəriyyədir. Canlı müxtəlifliyinin təsadüfən şüursuz, kortəbii proseslərlə əmələ gəldiyini iddia edir. Canlıların qanad, üzgəc, tük, quyruq və s. kimi mürəkkəb orqanlarını da kortəbii təsadüflərlə əlaqələndirirlər. Darvinistlər nə qədər qarşı çıxsalar da, bu nəzəriyyə “məhz meymuna bənzədiyi üçün insanın meymundan əmələ gəldiyini” iddia edir. Bu qədər sadədir.

Təkamülçülər darvinizmin bu bəsit məntiqinin üzə çıxmasından narahatdırlar və buna görə də son dövrlərdə “meymunlar əslində əcdadımız deyil, qohumlarımızdır” iddiasının arxasına sığınırlar. Halbuki bu da eyni hiylədir. Darvinizm “insan primatlardan əmələ gəlib” dedikdə başqa mənamı çıxır? Ha meymun, ha primat, nə fərq var ki? Bu, eyni köhnəlmiş yalan və azğın iddia deyilmi? “İnsanın əcdadı primatdır” və ya “insanın əcdadı primatla eynidir” dedikdə bu saxta nəzəriyyə elmi hal alır? Əlbəttə, xeyr. Bu, çirkin söz oyunundan istifadə edərək eyni yalana davam etməkdən başqa bir şey deyil. Bu şəkildə insanlar alçaldılır.

Yəqin ki darvinistlərin narahatlığı dövrümüzdə darvinizmin süqut etməsindən qaynaqlanır. Darvinizmi israrla elmi nəzəriyyə kimi göstərməyə çalışmaları, nəzəriyyənin “bir neçə xüsus istisna olmaqla” tamamilə sübut edildiyini iddia etmələri, insanların bu köhnəlmiş nəzəriyyəni ələ salmalarından şikayətlənmələri də bunun əlamətidir. Çünki darvinistlər bunu gözləmirdilər. Darvinizmə yeganə sübut verəcəyi gözlənilən paleontologiya elmi HEÇ BİR ARA-KEÇİD FOSİL ortaya çıxara bilməyib. 100 milyon fosil üzə çıxarılmışdır və bunların HAMISI YARADILIŞI SÜBUT EDİR. Bütün fosillər mükəmməl canlılara aiddir. Bu fosillərdə heç bir natamam, yarı-formalaşmış, anormal orqan yoxdur. Üstəlik, bu fosillərin böyük əksəriyyəti dövrümüzdəki canlılarla eynilik təşkil edir. MİLYON İLLƏR BOYU CANLILAR DƏYİŞMƏYİBLƏR. Yəni TƏKAMÜL YOXDUR.

Darvinistlər bu dəhşətli dəlili gördükdə həll yolunu fosilləri GİZLƏTMƏKDƏ görüblər (bunu daha əvvəl də etmişdilər. 540 milyon illik Kembri fosillərini darvinizmə ciddi zərbə vurduğu üçün düz 70 İL GİZLƏDİBLƏR). Ancaq fosillərin gizlədildiyi yerdən çıxarılması onları şoka salmışdır. İnsanlar artıq darvinizmi qəbul etmək bir yana dursun, bu saxta nəzəriyyəni ələ salırlar. Darvinistlər artıq insanların həqiqi elmi dəlillərlə şüurunun açılmasının qarşısını ala bilmirlər.

Son olaraq bunu da əlavə edim. Allah canlıları  təkamülləşdirmədən, yəni növləri başqa növlərə çevirmədən bir anda yoxdan var etmişdir. Hər biri Allahın qüdrəti və hakimiyyəti ilə meydana gətirdiyi qüsursuz sistemlərin nəticəsidir.

Allah istədiyini istədiyi şəkildə və zamanda bənzərsiz yaradan, yoxdan var edəndir. Hər cür əksiklikdən uzaq olan, heç bir şeyə ehtiyac duymayandır. Beləliklə, Allahın yaratması üçün heç bir səbəbə, mərhələyə, vasitəyə ehtiyac yoxdur. Dünyada hər şeyin müəyyən səbəblərə, təbiət qanunlarına bağlı olması kimsəni yanıltmamalıdır. Allah bütün bu səbəblərin yaradıcısı olaraq bunlardan tamamilə münəzzəhdir.

NƏZAKƏT

Şərhlər bağlıdır.