AktualMədəniyyətMingəçevir

Vüsal Məmmədov : “Biz hər an qardaş Türkiyənin yanındayıq”

Böyük Vətən müharibəsində şəhid olan 51 mingəçevirlinin şərəfinə Antalya şəhərində 51 ağac əkiləcək

Mingəçevirdəki Üzeyir Hacıbəyli adına 11 illik musiqi məktəbi Türkiyə Ormanları Bakanlığının hesabına pul vəsaiti köçürərək, meşələrin bərpasına dəstək nümayiş etdirib

Türkiyədə iyulun 28-dən başlayan meşə yanğınları nəticəsində kütləvi şəkildə yaşıllıqlar, heyvanat aləmi məhv olub. Yanmış meşələrin bərpasında Azərbaycan dəstəyini əsirgəmir. “Daha yaşıl bir Türkiyə” adı altında başlanan kampaniyaya çoxsaylı təşkilatlar, təhsil ocaqları qoşulublar. Onlar ikinci Qarabağ müharibəsində Türkiyənin dəstəyinə cavab olaraq, qardaş ölkənin yenidən yaşıllığa bürünəcəyinə inanırlar.

Mingəçevir Ü.Hacıbəyli adına 11 illik musiqi məktəbi

Belə bir təşəbbüsün müəllifi isə Mingəçevirdəki Üzeyir Hacıbəyli adına 11 illik musiqi məktəbinin kollektivi olub. Onlar Türkiyə Ormanları Bakanlığının hesabına pul vəsaiti köçürərək, meşələrin bərpasına dəstək nümayiş etdiriblər. Musiqi məktəbinin direktoru Vüsal Məmmədov deyib ki, Böyük Vətən müharibəsində şəhid olan 51 mingəçevirli şəhidin şərəfinə Antalya şəhərində 51 ağac əkiləcək: “Biz qardaş Türkiyənin hər anında yanındayıq və bütün Azərbaycanı bu aksiyaya qoşulmağa dəvət edirəm. Türkiyənin təbiəti əvvəlki kimi yaşıl və əsrarəngiz olacaq”.

Tag
Daha çox

Oxşar yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Close