CəmiyyətMingəçevir

Şəhidlər yad olundu

Yanvarın 20-də səhər saatlarından mingəçevirlilər qanlı yanvar faciəsini yad etmək üçün Şəhidlər Xiyabanına gəliblər. Anım mərasimi şəhidlərin ruhlarına dualar oxunmasıyla başlanıb. Şəhər İcra Hakimiyyətinin başçısı İlham İsmayılov mərasimdə çıxış edərək, müdhiş gecədə rus ordusunun qabağına əliyalın çıxan və  canları bahasına ölkəmizin müstəqilliyini qorumağa çalışan oğul və qızlarımızı fəxarətlə yad edib: “20 Yanvar qürur və mübarizə tariximizdir. Bu faciə yalnız Azərbaycan xalqına qarşı deyil, ümumbəşəri insanlığa, humanizmə qarşı törədilən cinayətdir”.

Mingəçevir Dram Teatırının aktyorları “Şəhidlər” abidə-kompleksinin önündə, Uşaq və Gənclər İnkişaf Mərkəzinin şagirdləri isə Şəhidlər muzeyində rəngarəng kompozisiyalarını təqdim ediblər.

Şəhər rəhbəri və ictimaiyyət nümayəndələri “Şəhidlər” abidəsinin  önünə əklil və gül dəstələri düzüb, eyni zamanda xiyabandakı şəhid məzarlarını ziyarət ediblər.

Daha çox

Oxşar yazılar

Close