Bizimlə həyatınız həmişə işıqlı olacaq!

QHT hüquqi yardıma ehtiyacı olan vətəndaşlara məsləhətlər verəcək

Bakı, Şirvan, Masallı, Mingəçevir şəhərlərində vətəndaşların qəbul günləri  və hüquqi yardım aksiyaları təşkil ediləcək.

24

01 iyul 2023 il tarixindən Neftçilərin Hüquqlarını Müdafiə Təşkilatı İctimai Birliyi tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin  maliyyə dəstəyi ilə “Sosial cəhətdən zəif müdafiə olunmuş vətəndaşlara  pozulmuş hüquqlarının bərpası üçün hüquqi yardımların göstərilməsi” layihəsinin icrasına start verilib.

Layihənin məqsəd və vəzifələri əsasən

  • Keyfiyyətli hüquqi yardıma əlçatanlığın təmin edilməsi və sosial cəhətdən zəif müdafiə olunmuş digər insanların qanuni hüquq və maraqlarının daha səmərəli müdafiəsini təşkil edilməsi
  • Vətəndaşların pozulmuş hüquqlarının bərpası üçün müraciətlərin artması ilə hüquq sistemi və qanunun aliliyi prinsipinin bərqərar olmasına dəstək verilməsi
  • Pozulmuş hüquqların bərpa edilməsi üçün vətəndaşların hərəkətinin təşviq edilməsindən ibarətdir.

Layihə çərçivəsində hüquqi yardıma ehtiyacı olan vətəndaşlara məsləhətlər veriləcək. Onlar üçün müvafiq qurumlara müraciətlər, ərizə və şikayətlər tərtib ediləcək. Məhkəmə orqanlarına müraciətin  zəruri olduğu hallarda iddia ərizələri  tərtib  ediləcəkdir. Qəbul günlərindən başqa günlərdə  də ehtiyacı olan vətəndaşlara hüquqi yardım göstəriləcəkdir.

Yazılı, şifahi müraciətlər, telefon, veb-sayt, sosial şəbəkələr vasitəsi ilə cavablandırılacaq.

Layihənin icrası çərçivəsində “UNİON” vəkil bürosu və ekspert-hüquqşünas ilə bağlanmış müqavilə əsasında beş ay müddətində (01.07.2023 01.12.2023 il)  Bakı, Şirvan, Masallı, Mingəçevir şəhərlərində vətəndaşların qəbul günləri  və hüquqi yardım aksiyaları təşkil ediləcək.

Şərhlər bağlıdır.