QHT

Mingəçevirdə yerli ictimai birliklər üçün layihə hazırlanması və idarə edilməsi üzrə seminar keçirilib

“Düşünürük ki, konkret problemlərin həllinə yönəlik layihələrə üstünlük verilməlidir”

Bu gün yanvarın  22-də Azərbaycan Respublikası Prezidenti yanında Qeyri-hökumt Təşkilatlarına Dövlət Dəstəyi Şurasının nümayəndələri  Mingəçevirdəki  QHT Resurs Mərkəzində yerli ictimai birliklər üçün layihələrin hazırlanması və idarə edilməsi üzrə seminar keçirib. Şuranın fəaliyyəti, maliyyələşdirdiyi layihələr barədə onun  əməkdaşları Fərid Qəhrəmanov və Amid Mirzəyev iştirakçılara ətraflı məlumat veriblər.

Qeyd olunub ki, əksər QHT-lər hələ də ictimai əhəmiyyət kəsb edən problemlərlə bağlı layihə yaza bilmirlər:  “Bir neçə gün qabaq  Şuranın 2015-ci ilin yekunlarına həsr olunan geniş toplantısında da bu barədə  danışılıdı. Biz  2008-ci ildən bəri layihələr çərçivəsində çoxsaylı seminar və təlimləri dəstəkləmişik. Amma düşünürük ki, konkret problemlərin həllinə yönəlik layihələrə üstünlük verilməlidir. Təəssüf ki, bir çox QHT-lər layihənin adını, hədəf qrupunu düzgün seçməyi bacarmırlar”-F.Qəhrəmanov belə deyib. O, həm də əlavə edib ki, gələcəkdə Şura sifarişlər üzrə bir neçə QHT-yə böyük məbləğdə layihələrin idarə olunmasını etibar edəcək.

Seminarda maliyyə hesabatlarının verilməsi zamanı yaranan çətinliklərdən də danışılıb. A.Mirzəyev qeyd edib ki, işə götürülən hər bir işçi ilə əmək müqaviləsi bağlanan kimi ƏƏSM Nazirliyində onlayn qeydiyyat tələb olunur:  “Eyni zamanda icbari ödənişlərin ödənilməsi də zəruridir. Çalışmaq lazımdır ki, bütün maliyyə xərclərini təsdiq edən sənədləri təqdim edəsiniz. Ötən il sənədləri tam təqdim edə bilmədiiklərinə görə bir neçə QHT-yə ayrılan vəsait geri alındı”.

A.Mirzəyev    regiondakı QHT-lərin  hesabat  zamanı Bakıda bir neçə gün qalmağa məcbur olması ilə bağlı məsələyə də aydınlıq gətirdi: “Təəssüf ki, bir sıra QHT-lər bizə təqdim etdiyi maliyyə sənədlərini  başqa təşkilatlara da göstərərərək, onlardan da vəsait almağa çalışırlar. Buna görə də biz hər bir sənədin üzərinə imza və möhür vurmağa məcbruq. O ki, qaldı bununla bağlı bölgə QHT-lərinin Bakıda iki-üç gün qalmasına, onlar bununla bağlı layihələrinə ezamiyyə xərclərini sala bilərlər”.

Mingəçevir İcra Hakimiyyəti başçısı aparatının məsul nümayəndəsi Sahib Əliyev də seminarda iştirak edib.

Daha çox

Oxşar yazılar

Close