Mingəçevirdə kimlər bələdiyyə üzvü ola bilər?

Dekabrın 23-də keçiriləcək Bələdiyyə seçkilərinə bir aydan da az vaxt qalır. Bəs seçki öncəsi vəziyyət necədir? Bütün işlər təqvim planına uyğun aparılırmı?

47 saylı DSK-nın sədri Oqtay Məmmədovun dediyinə görə, indiyədək dairə və məntəqə seçki komissiyaları üzvlərinin təlimatlandırılması üçün treninqlər təşkil olunub. Seçicilərin tanış olması və əlavə dəqiqləşdirmələrin aparılması məqsədilə seçici siyahıları məlumat lövhələrində yerləşdirilib. Bütün məntəqələr tam hazır vəziyyətə gətirilib, ehtiyat enerji üçün generatorlarla təmin edilib. Dairənin ərazisindəki 12 mənrəqədə seçkini internet üzərindən müşahidə etmək üçün veb kameralar quraşdırılıb.  Ü.Hacıbəyli adına 1 saylı musiqi məktəbinin 110 nəfərlik akt zalı qapalı tədbirlərin keçirilməsi üçün ayrılıb.

Müsahibimiz məlumat verdi ki, Mingəçevir 2 seçki dairəsini əhatə etdiyindən seçkini 47 və 49 saylı DSK-lar və onların yerlərdəki məntəqələri aparacaqlar: “Bizim dairədə 30, digərində isə 12 məntəqə yerləşir. Onlar nəticələri seçkinin sonunda DSK-ya təqdim edəcək və buna uyğun yekun protokol tərtib olunacaq”.

O.Məmmədov iki dairə üzrə Mingəçevir Bələdiyyəsinə 60 nəfərin namizəd qeydə alındığını da diqqətə çatdırdı: “47 saylı dairənin əhatə etdiyi ərazidə 55 nəfər müraciət etmişdi. Onların üçü götürdüyü imza vərəqələrini nəzərdə tutulan vaxta – noyabrın 22-də saat 18-ə qədər qaytarmadı. Qalan 52 nəfər isə qeydiyyata alınıb”.

49 saylı dairədə də namizədliyi irəli sürülən və imza vərəqələrini təhvil verən  8 nəfərin hamısı seçkiyə qatıla biləcək.

Öyrəndik ki, hər iki dairədən seçkiyə 19 nəfər Yeni Azərbaycan, 1 nəfər “Ana Vətən”, 2 nəfər “Ümid”,  2 nəfər isə   Azərbaycan Demokratik İslahatlar Partiyasının siyahısı üzrə, 36 nəfər isə  fərdi təşəbbüsü ilə qatılıb. Fərdi təşəbbüslə gələnlərdən ikisi YAP, biri BAXCP, biri isə ANAP-ın üzvüdür.

Mingəçevirdə bələdiyyə üzvlüyünə qeydə alınmış namizədlərin siyahısını təqdim edirik: