Mingəçevir Dövlət Universiteti 40 ali təhsil müəssisəsi arasında 7-ci olub
Mektebgushesi.az internet portalı tərəfindən “Mövcud durumda hansı universitet distant təhsil sınağından uğurla çıxır” mövzusunda keçirilən sorğunun nəticələri açıqlanıb.
Ölkəmizin 40 ali təhsil müəssisəsini əhatə edən sorğuda 25662 şəxs iştirak edib.
Portal tərəfindən açıqlanan yekun siyahıda Mingəçevir Dövlət Universiteti (MDU) 7-ci sırada qərarlaşıb.
Mövcud tələbə və müəllim sayı da nəzərə alınmaqla, əldə olunan nəticə karantin şəraitində MDU-da tədrisin məsafədən tədrisi sahəsindəki real vəziyyətə adekvatdır.
Uğurlu nəticə münasibətilə MDU ailəsinin bütün üzvlərini təbrik edir, tədris prosesində fəal iştiraka görə professor-müəllim və inzibati-texniki heyət üzvlərinə, tələbə və magistrantlara təşəkkür edirik.
Tərəfdaş universitetləri də təbrik edirik.
Şərhlər bağlıdır.