Səhiyyə

Goranboyda daha çox Qafqaz gürzəsinə rast gəlinir

İlanlar yay aylarında təsərrüffat sahələrində çalışan insanlara ziyan vururlar

İsti iqlimi ilə seçilən Goranboyda ötən ilə nisbətən bu il ilan dişləməsi azalıb. Goranboy Rayon Xəstəxanasından verilən məlumata görə, ötən il rayon ərazisində 20-dən artıq sakini ilan sancıb. Onlar arasında vəziyyəti ağır olanlar da olub.

Yay fəslində ilan vurma halları artdığından zərərçəkənlərə  zəhər əlehinə zərdabların vurulması vacibdir. Bəs xəstəxanalarda zərdablar varmı? Goranboy rayon xəstəxanasının həkimi Mehman Əşrəfov Özbəkistanda istehsal edilən polivalent adlanan zərdabların xəstəxanaya verildiyini bildirib.  

Sürünənlərin hücumuna məruz qalanlara ağırlıq dərəcəsinə uyğun olaraq həmin dərman vasitəsindən vurulur. Goranboyda daha çox Qafqaz gürzəsinə rast gəlinir ki, onlar da yay aylarında təsərrüffat sahələrində çalışan insanlara ziyan vururlar.

Tag
Daha çox

Oxşar yazılar

Bir cavab yazın

Sizin e-poçt ünvanınız dərc edilməyəcəkdir.

Close