Mingəçevirdə İctimai Şuraya 9 yer uğrunda 13 nəfər mübarizə apardı
Hikmət Kərimov: “Bütün proses vətəndaş cəmiyyəti nümayəndələrinin gözü qarşısında şəffaf şəraitdə keçirildi. Hətta səssayma prosesini də namizədlərin iştirakilə apardıq. Düşünürəm ki, şuraya seçkilər VC nümayəndələrinin cəmiyyətdəki mövqelərini ortaya qoydu”.
2022-ci il iyulun 16-da Mingəçevir şəhər İcra Hakimiyyəti yanında İctimai Şuraya seçkilər keçirilib. Səhər saat 10.15-də başlayan və 12.15-dək davam edən seçkilərdə 9 yer uğrunda 13 namizəd mübarizə aparıb. Onlara 138 nəfər səs verib.
Seçki komissiyasının sədri, Mingəçevir şəhər İcra Hakimiyyəti başçısının müavini Hikmət Kərimov bildirib ki, bütün proses vətəndaş cəmiyyəti nümayəndələrinin gözü qarşısında şəffaf şəraitdə keçirilib: “Hətta səssayma prosesini də namizədlərin iştirakilə apardıq. Düşünürəm ki, şuraya seçkilər VC nümayəndələrinin cəmiyyətdəki mövqelərini ortaya qoydu”.
Seçkinin nəticələri aşağıdakı kimi olub:
| Sıra №-si | Soyadı, adı, atasının adı | Təmsil etdiyi qurum və vəzifəsi | Seçkidə topladığı bal |
| 1 | Babayev Əbülfət Musa oğlu | “Qarabağ Qaziləri” İB-nın şəhər filialının sədr müavini | 86 |
| 2 | Bəndəliyev Əliağa Bəndalı oğlu | “QMVƏŞA” İB şəhər şöbəsinin sədri | 52 |
| 3 | Cavadov Mirzə Cavad oğlu | Mingəçevir Dövlət Universitetinin tarix müəllimi | 29 |
| 4 | Əsədov Fizuli Əli oğlu | “Mingəçevir Regional QHT-lərin Resurs və Təlimi” İB-nın sədri | 36 |
| 5 | Həsənov Vaqif Yaqub oğlu | “Mingəçevirdə Sahibkarlığın İnkişafına Dəstək” İB-nın sədri | 54 |
| 6 | Xanlayev Samrin Nadir oğlu | “İşıqlı gələcək” Gənclər İctimai Birliyinin sədri | 19 |
| 7 | Qasımlı Zahid Allahveren oğlu | “Iqtisadi Sosial Maarifləndirmə Mərkəzi” İB-nın sədr müavini | 38 |
| 8 | Mikayıllı Rizvan Aslan oğlu | “Şəhər Veteranları Şurası”nın sədr müavini | 45 |
| 9 | Nəzərov Çingiz Mənaf oğlu | “Eko-TES” Ekoloji Tədqiqatlar və Maarifçilik İB-nın sədri | 29 |
| 10 | Nəbiyeva Yeganə Əkrəm qızı | “Mingəçevir Valideynlər Assosiasiyası” IB-nın İdarə Heyətinin üzvü | 72 |
| 11 | Nəbiyev Fərman Bəhram oğlu | “Mingəçevir işıqları” qəzetinin baş redaktoru | 81 |
| 12 | Şirinov Inqilab Xosrov oğlu | “Kanal-32” Media şəbəkəsinin baş direktoru | 58 |
| 13 | Tağıyeva Vüsalə Vahid qızı | “Şəhid Ailələrinin Müdafiə Cəmiyyəti” İB-nın üzvü | 38 |
Sonda Seçki Komissiyasının sədri elan edib ki, Babayev Əbülfət Musa oğlu, Nəbiyev Fərman Bəhram oğlu, Nəbiyeva Yeganə Əkrəm qızı, Şirinov Inqilab Xosrov oğlu, Həsənov Vaqif Yaqub oğlu, Bəndəliyev Əliağa Bəndalı oğlu, Mikayıllı Rizvan Aslan oğlu, Qasımlı Zahid Allahveren oğlu və Tağıyeva Vüsalə Vahid qızı Mingəçevir şəhər İcra Hakimiyyəti yanında İctimai Şuraya üzv seçiliblər.
Şərhlər bağlıdır.