MDU-da Karyera planlaması fənnindən praktik məşğələ keçilib

25 noyabr 2024-cü ildə Mingəçevir Dövlət Universiteti İqtisadiyyat və idarəetmə fakültəsinin Maliyyə ixtisasında təhsil alan M24.1 və M24.2 saylı qruplarında tədris olunan “Karyera planlaması” fənninin məşğələ dərsində Mingəçevir Dövlət Universitetinin fəxri məzunlarından biri, 2010-2014-cü illərdə bakalavriat təhsil səviyyəsində, 2014-2016-cı tədris illərində isə magistratura səviyyəsində təhsil almış və hazırda Sabirabad “Gənclər evi” sosial xidmət müəssisəsinin direktoru Rəşad Qurbanov qonaq olub. Rəşad Qurbanov tələbələrə karyera yolu, öz uğur hekayəsi, karyera inkişafı müddətində qarşılaşdığı çətinliklər, onların öhdəsindən necə gəlməsi və karyera planlaması texnologiyalarından danışıb. Sonda seminarın qonağı tələbələrin suallarını cavablandırıb. Qeyd edək ki, tədbirdə İqtisadiyyat və idarəetmə fakültəsinin dekan əvəzi dos. Nüşabə Qədimli, dekan müavini b/m. Nazim Niftəliyev, “İqtisadiyyat” kafedrasının müdir əvəzi b/m. Arif Tağıyev və fənn müəllimi i.f.d., b/m. Vüqar Məmmədli iştirak ediblər. Belə görüşlər fakültədə mütəmadi keçirilir.