Datadan istifadə edərək daha yaxşı hekayələr yaratmaq: Bakıda yeni Data Jurnalistika Kursu başlayır

4-5 dekabr tarixlərində Azərbaycanın online, yayım və mətbuat orqanlarından olan 30 jurnalist Oxfordun Miqrasiya, Siyasət və Cəmiyyətə Yardım Mərkəzinin (COMPAS) mütəxəssiləri Rob McNeil və William Allen tərəfindən idarə edilən Data Vizuallaşdırılması seminarında iştirak etdilər. Seminar Avrasiya Əməkdaşlıq Fondu və Beynəlxalq Miqrasiya Siyasəti İnkişaf Mərkəzi (ICMPD) tərəfindən Azərbaycanda həyata keçirilən Avropa İttifaqı tərəfindən maliyyələşdirilən MOBILAZE layihəsi tərəfindən təşkil edildi. Bu seminar Birləşmiş Ştatların Bakıdakı səfirliyinin dəstəyi ilə 2017-ci ilin dekabrından 2018-ci ilin may ayına qədər davam edəcək yeni Data Jurnalistika Kursunun bir hissəsidir.

Data Jurnalistikası artıq yeni bir konsepsiya deyil. Yaradılan kütləvi informasiya vasitələrinin əksər hallarda xüsusi data qrupu olur və professional jurnalistlər gündəlik hekayələrini auditoriyaya daha yaxşı çatdırmaq üçün datadan istifadə edirlər.  Azərbaycanın kütləvi informasiya vasitələrinin işçiləri arasında data savadlılığının təşviq edilməsi məqsədilə Data Jurnalistika Kursu bu kimi mövzuları əhatə edəcək: xəbərdəki datanın rolu, data jurnalistləri üçün zəruri olan bacarıqları, müvafiq data tapmaq və təmizləmək yolları, cəlbedici hekayələrin müəyyənləşdirilməsində data analizinə yanaşmalar, datanın dəqiq və aydın təqdimatı.

Beynəlxalq və yerli mütəxəssislər tərəfindən hazırlanan kurs, ən yaxşı beynəlxalq təcrübənin ümumi nəzəriyyəsini təqdim edəcək  və iştirakçıların öz sahələrində datadan müvəffəqiyyətlə istifadə etmək üçün praktik bacarıqlarla yiyələnməsini təmin edəcəkdir.