Azərbaycanda şagirdlərin məktəbə təhlükəsiz daşınması üçün 4 milyon manatlıq vəsait ayrılıb. Elm və Təhsil Nazirliyi bu məqsədlə bir neçə nəqliyyat şirkəti ilə müqavilələr bağlayıb. Müqavilələr Abşeron-Xızı, Dağlıq Şirvan, Qazax-Tovuz, Gəncə-Daşkəsən, Mərkəzi Aran, Qarabağ, Şərqi Zəngəzur, Quba-Xaçmaz, Şəki-Zaqatala, Şirvan-Salyan, Lənkəran-Astara və Mil-Muğan regional təhsil idarələrinin ərazisində şagirdlərin məktəblərarası daşınması xidmətlərini əhatə edir. Məlumata görə, "Baku Rent Service" şirkəti ilə…

Mingəçevir şəhərinin yol-nəqliyyat infrastrukturu müasirləşdiriləcək. Şəhər Mənzil-Kommunal Təsərrüfatı İstehsalat Birliyi ərazidəki yolların cari və əsaslı təmiri üçün tender elan edib. Müsabiqənin təxmini dəyəri 1.509.918,56 AZN təşkil edir. Vəsait şəhərin küçə və prospektlərində aşınmış asfalt örtüklərinin bərpasına və zəruri yerlərdə yolların tamamilə yenidən qurulmasına sərf olunacaq.

Mingəçevirdə Energetiklər yaşayış massivində yerləşən 19 saylı orta məktəbdə yanğın təhlükəsi yaranıb. Hadisə məktəbin bufetindəki elektrik kabelində qısaqapanma nəticəsində baş verib. Yanğın zamanı dərhal məktəb şagirdləri təhlükəsiz ərazilərə təxliyə olunub, hadisə yerinə yanğınsöndürən briqada cəlb edilib. Faktla bağlı araşdırma davam etdirilir.

Bu gün işğaldan azad edilmiş Xocalı rayonunun Muxtar kəndində mina partlayışı baş verib. Azərbaycan Respublikasının Minatəmizləmə Agentliyindən (ANAMA) bildirilib ki, partlayış zamanı agentliyin əməkdaşı, 2000-ci il təvəllüdlü Çobanov Vasif Fizuli oğlu xidməti vəzifəsini yerinə yetirərkən xəsarət alıb. Hadisə nəticəsində əməkdaşın sol əli və üz nahiyəsində zədələr yaranıb. Çobanov Vasif dərhal rayon mərkəzi xəstəxanasına çatdırılıb. Həkimlərin verdiyi məlumata görə, onun vəziyyəti qənaətbəxşdir və həyati…