Bakının Xəzər rayonunda yanğın hadisəsi baş verib. Üçmərtəbəli yataqxana binasında çıxan yanğından, 25 nəfər təxliyə edilib.
Bu barədə Fövqaladə Hallar Nazirliyinin mətbuat xidməti açıqlama verib.
Məlumata görə, binanın 3-cü mərtəbəsinin pilləkən qəfəsində quraşdırılan elektrik lövhəsində 6 ədəd sayğac yanıb.
Yanğın zamanı yanğınsöndürənlər tərəfindən 25 nəfər (onlardan 7-si uşaqdır) bina sakini təhlükəsiz əraziyə təxliyə olunub.
Mənzillər yanğından mühafizə olunub. Yanğından mühafizə bölmələri tərəfindən söndürülən yanğında əhalinin təhlükəsizliyi təmin edilib.
Şərhlər bağlıdır.