Hadisə

Yevlaxda yol qəzasında 2 nəfər ölüb

Bir ailənin 3 üzvü isə ağır xəsarət alıb

Yevlaxda iki nəfərin ölümü ilə nəticələnən ağır yol qəzası baş verib.APA-nın Mingəçevir bürosunun məlumatına görə, hadisə Yevlax-Bərdə avtomobil yolunda, Bərdə postuna yaxın ərazidə qeydə alınıb.

Bərdə istiqamətdən hərəkətdə olan “VAZ 2106” markalı avtomaşın “Great Wall” markalı digər minik avtomobili ilə toqquşub. Nəticədə “VAZ 2106”-da olan iki nəfər hadisə yerində dünyasını dəyişib.

Digər avtomobildə olan qadın, bir uşaq və sürücü ağır xəsarət alaraq Bərdə Rayon Mərkəzi Xəstəxanasına çatdırılıb.

Avtoqəza zamanı ölənlər Bərdə rayonun Dəymədağlı kənd sakini Hüseynov Rəmzi Ələddin oğlu və rayonun Şirvanlı kənd sakini Quliyev Elgiz Səxavət oğludur.

Xəsarət alanlar isə 1993-cü il təvəllüdlü Əhmədli Əhliman Kamal oğlu, 1993-cü il təvəllüdlü Əhmədli Ayşən Rafiq qızı və 2016-cı il təvəllüdlü Əhmədli Şəlalə Əhliman qızıdır. Məlumata görə, hər üç yaralı bir ailənin üzvləridir.

Faktla bağlı araşdırma aparılır.

Daha çox

Oxşar yazılar

Bir cavab yazın

Sizin e-poçt ünvanınız dərc edilməyəcəkdir.

Close