Putin Rusiyanın baş prokuroru vəzifəsinə yeni namizəd irəli sürüb

Rusiya Prezidenti Vladimir Putin ölkənin baş prokuroru vəzifəsinə Aleksandr Qutsanın namizədliyini irəli sürüb. Bu barədə Federasiya Şurasının Konstitusiya Komitəsinin sədri Andrey Klişas məlumat verib.

Məlumata görə, Qutsan bu təyinatla İqor Krasnovu əvəz edəcək. Aleksandr Qutsan 65 yaşındadır və 2018-ci ilin noyabrından Rusiya Prezidentinin Şimal-Qərb Federal Dairəsində səlahiyyətli nümayəndəsi kimi fəaliyyət göstərir.