Xəbərlər

Mingəçevirdə soyqırım qurbanları yad edilib

Soyqırım haqqında şəhər ictimayyəti nümayəndələrinin çıxışları dinlənilib

31 Mart – Azərbaycanlıların soyqırımı günü  münasibəti ilə Mingəçevir Şəhər İcra Hakimiyyəti YAP Mingəçevir şəhər təşkilatı ilə birgə tədbir keçirib. Şəhər rəhbərliyinin, hüquq-mühafizə orqanlarının  və ictimayyətin nümayəndələri əvvəlcə soyqırım qurbanlarının abidəsini ziyarət edərək, önünə gül dəstələri düzüblər.  Daha sonra Heydər Əliyev Mərkəzində düzənlənən tədbirdə İcra Hakimiyyətinin başçısı Niyazi Bayramov çıxış edib. O, bildirib ki, 31 mart  bütün dünyada yaşayan azərbaycanlılar tərəfindən kədər və hüznlə soyqırım qurbanlarının anım günü kimi qeyd edilir:  “Xain və satqın ermənilər tarixlər  boyu, zaman-zaman xalqımıza qarşı soyqırım və deportasiya siyasəti yeridib. Soydaşlarımızın mərdliyinə və mübarizliyinə baxmayaraq,   mənfur erməni siyasət nəticəsində Azərbaycan torpaqları hissə-hissə itirilib, yüz minlərlə soydaşımız qətlə yetirilib”.

Soyqırım haqqında şəhər ictimayyəti nümayəndələrinin də çıxışları dinlənilib. 17 saylı tam orta məktəbin tarix müəllimi Ceyhun Atayev “1918 –ci ilin mart qırğınları ermənilərin xalqımıza qarşı törətdiyi soyqırım cinayətlərinin  tərkib hissəsidir”,  MDU-nun kafedra müdiri Mayıl İsmayılov  “1948-1953-cü illərdə azərbaycanlıların tarixi torpaqlarımızdan departasiyası erməni xislətinin növbəti mərhələsidir”, MDU-nun tarix müəllimi  Tahirə Quliyeva  “Dağlıq Qarabağ hadisələri ermənilərin  azərbaycanlılara qarşı tarixən yürütdükləri soyqırım siyasəninin davamıdır”,  YAP Mingəçevir şəhər təşkilatının sədri Cavanşir Yusubov  “Prezident İlham Əliyev ulu öndər Heydər Əliyevin başladığı mənfur ermənilərin azərbaycanlılara qarşı soyqırımı siyasəti həqiqətlərinin dünya ictimayyətinə çatdırılmasının aktiv davamçısıdır” mövzularında çıxış  ediblər.

Daha çox

Oxşar yazılar

Close