AzərbaycanElm və təhsilMDUMingəçevirXəbərlər

Mingəçevir Dövlət Universitetində İKT təlimlərinə start verilib

Mingəçevir Dövlət Universitetində İnformasiya texnologiyaları kafedrasının nəzdində fəaliyyət göstərən Tələbə Elmi Dərnəyinin təşəbbüsü ilə İKT təlim kurslarına start verilib.

Universitetin akademik və inzibati heyət üzvlərinin, tələbələrin və magistrantların İKT üzrə bilik və bacarıqlarının artırılması məqsədilə onlayn və ənənəvi formatlarda təşkil olunan təlim kurslarının müntəzəm olaraq cari tədris ilinin payız və yaz semestrlərində keçirilməsi nəzərdə tutulub.

Tələbə və magistrantlar üçün nəzərdə tutulmuş təlim proqramı çərçivəsində İKT üzrə baza bilikləri və sıfırdan proqramlaşdırma kursları, müvafiq bilik yarışları və viktorinalar təşkil olunacaqdır.

Akademik və inzibati heyət üzvləri üçün təşkil olunan proqrama uyğun olaraq İKT resurslarının (MS Office proqramları, interaktiv lövfələr, “MS Teams” platforması) öyrənilməsi və tətbiqi, proqramlaşdırma və informasiya təhlükəsizliyi, elmi tədqiqatlarda İKT-dən istifadə üsulları mövzularında təlimlər keçiriləcəkdir.

Təlimləri uğurla başa vuran iştirakçılara müvafiq sertifikatlar təqdim ediləcəkdir.

Qeyd edək ki, hazırda müasirləşmə mərhələsində olan MDU-da təhsilalanların və təhsilverənlərin rəqəmsal bilik və bacarıqlarının yüksəldilməsi məqsədilə bu tipli təlimlərin keçirilməsinə xüsusi önəm verilir.

 

Daha çox

Oxşar yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Close

Adblock Detected

Please consider supporting us by disabling your ad blocker