Mərkəzi Aran Regional Təhsil İdarəsi tərəfindən Təhsil tarixində ilk dəfə olaraq ümumi təhsil müəssisələrinin VII sinif şagirdləri arasında mərkəzləşdirilmiş qaydada monitorinq keçirilib
İyunun 12-də Mərkəzi Aran Regional Təhsil İdarəsinin tabeliyində fəaliyyət göstərən ümumi təhsil müəssisələrinin VII siniflərində təhsil alan şagirdlər üçün monitorinq keçirilib.
Mərkəzi Aran Regional Təhsil İdarəsinin təşkilatçılığı ilə keçirilən monitorinq tarix, coğrafiya, fizika, kimya və biologiya fənləri üzrə aparılıb.
9412 nəfər təhsilalanın iştirak etdiyi monitorinqdə hər bir fənn üzrə 15 sual olmaqla, ümumilikdə 75 qapalı test tapşırığının cavablandırılması üçün 150 dəqiqə vaxt verilib.
Qeyd edək ki, monitorinqin nəticəsi şagirdlərin summativ qiymətləndirmə ballarına, həmçinin onların sinifdən-sinfə keçmələrinə təsir etmir.
Şagird nailiyyətlərinin yaxşılaşdırılması, VII sinfin sonunda şagirdlərdə müvafiq standartlar üzrə bilik və bacarıqların hansı səviyyədə formalaşdığının müəyyən edilməsi, ümumi orta təhsil səviyyəsində keyfiyyətin artırılması istiqamətində tədbirlərin görülməsi monitorinqin əsas məqsədlərindəndir.
Şərhlər bağlıdır, lakin trackbacks və pingbacks açıqdır.