Mi-TVQarabağVideo

“Heç vaxt Azərbaycan ərazisində ikinci ermənistan dövlətinin yaradılmasına icazə verilməyəcək”

Prezident İlham Əliyev Yaponiyanın “Nikkei” qəzetinə müsahibəsində Vətənimziin ərazi bütövlüyünün qorunması yolundakı mübarizədən bəhs edib

Azərbaycanın işğal altında qalan torpaqlarını geri alması məqsədi ilə düşmən dövlətin hücumlarına adekvat cavab verərək məğlubiyyətə uğratması dünyanın diqqət mərkəzindədir. Sabah bir ayı tamam olacaq Vətən müharibəsi uğrunda döyüşlərdə Azərbaycan Ordusu böyük qələbələr əldə etmiş, bir cox şəhər, qəsəbə və kəndləri azad edərək Azərbaycan Bayrağını həmin ərazilərdə göylərə ucaltmışdır. Bütün bunlar xalqımızı qürurlandırır, dövlətimizin başçısına olan inam və sədaqəti yüksəldir. Dünyanın iyirmiyə yaxın  Kütləvi İnformasiya  Vasitələrinə müsahibələr verən Azərbaycan Respublikasının Prezidenti İlham Əliyev Azərbaycan dövlətinin, xalqımızın 30 ilə yaxın dövr ərzində Ermənistan dövlətinin separatçı qüvvələrinin işğalçılıq əməliyyatlarına, soyqırım və terrorlarına  məruz qalması barədə geniş məlumatlar verib.

Prezident İlham Əliyev Yaponiyanın “Nikkei” qəzetinə müsahibəsində ötən illər ərzində iki dövlət arasındakı münaqişəninh həll edilməsi istiqamətindəki danışıqlardan, düşmən dövlətin hərəkətlərindən danışaraq Vətənimziin ərazi bütövlüyünün qorunması yolundakı mübarizədən bəhs edib.  Qeyd olunub ki, Amerika Birləşmiş Ştatları, Rusiya və Fransa Ermənistan və Azərbaycan arasında olan münaqişənin həll yolunu tapmaq üçün mandatı olan Minsk qrupunun üç həmsədr ölkələridir. Xarici İşlər nazirlərinin bu üç paytaxtda görüşməsi təbiidir. Bu cür görüşlər əvvəllər dəfələrlə olmuşdur. Moskvaya da səfər edilmişdir, orada da görüş olmuşdur. Beləliklə bu, münaqişənin sülh yolu ilə nizamlanması üzrə danışıqların davamıdır. Əlbəttə ki, indi vəziyyət dəyişmişdir.

Dövlətimizin başçısı qeyd edib ki, “Satus-kvo artıq mövcud deyil. Təmas xətti də mövcud deyil. Buna görə, indi Ermənistan rəhbərliyi daha da məntiqli davranmalıdır və işğal edilmiş ərazilərin boşaldılmasına sadiq olmalıdır. Beləliklə, bu müzakirələrdə Azərbaycanın əsas məqsədi Ermənistan rəhbərliyinin ərazilərin boşaldılmasına hazır olub-olmamasını və hazır olduğu təqdirdə bunun nə vaxt baş verəcəyini müəyyən etməkdir”.

Münaqişənini sülh yolu ilə həll edilməısi üçün dəfələrlə danışıqlar olsa da düşmən dövlət heç bir zaman atəşkəsə əməl etməmiş, Azərbaycanın sərhəd bölgələrini atəşə tutmaqla dinc insanları öldürmüşlər və təəssüf ki, bütün bu hadisələrə dünya dövlətləri biganə qalmışdır. Bu yaxınlarda Moskva şəhərində xarici işlər nazirlərinin iştirakı ilə üçtərəfli görüş olmuş, əldə edilmiş razılığa düşmən yenə əməl etməmiş, müharibə bölgəsindən çox uzaqda yerləşən şəhərlərə raketlər yağdırmış və yenə də öz xislətlərinə sadiq qalaraq dinc insanların ölümünə, yaralanmasına nail olmuşlar. Yenə də üçtərəfli görüş ola bilər, deyə bildirən cənab İlham Əiliyev vurğulayıb ki,  “Bu növ görüşlər əvvəllər də olmuşdur. Əgər belə bir görüş olsa, bu, gündəliyin nədən ibarət olduğundan asılı olacaqdır. Əfsuslar olsun ki, Ermənistanın bu hökuməti ilə münaqişənin sülh yolu üzrə nizamlanması perspektivləri çox uzaqdır”. Daha bir sitat:

“Ermənistan rəhbərliyi tərəfindən verilmiş çox səmərəsiz və təhrikedici bəyanatlar, edilmiş hərəkətlər, əslində, danışıqları mənasız etmişdir. Çünki danışıqlar masasında əsas mövzu həmişə BMT Təhlükəsizlik Şurasının qətnamələrinə müvafiq olaraq Azərbaycanın işğal olunmuş ərazilərinin boşaldılması idi. Ermənistanın baş naziri “Qarabağ Ermənistandır” bəyan edəndə, Azərbaycanın qondarma “Dağlıq Qarabağ hökuməti” ilə danışıqlar aparmalı olduğunu deyəndə, dinc Gəncə şəhərinə ballistik raket zərbəsi vurmaq əmri verəndə və Azərbaycanın digər şəhərlərinə gündəlik olaraq hücum edəndə, danışıqları aparmaq üçün o qədər də imkan qalmır”

Hadisələri daha da gərginləşdirən və öz çirkin niyyətlərindən qalmayan ermənilərə heç bir zaman həmsədr dövlətlər tərəfindən dur, atəş açma kimi qadağalar qoyulmayıb və onlar da bundan sui istifadə ediblər: “Buna görə də Azərbaycan Ermənistan hökumətinə sübut etməli idi ki, artıq onlar bu cəzasız təcavüzkar addımları ata bilməzlər. Azərbaycan onların cəzasını yerində verir, əraziləri azad edir, demək olar ki, hər gün mən Ermənistanın işğalından azad olunmuş yeni şəhər və kəndləri elan edilir”.

Oktyabr ayında iki dəfə atəşkəs elan edilsə də onlar silahlı hücumlarından əl çəkmədilər və münaqişənin həllinə çalışan dövlətlərin rəyini belə heçə saydılar, nəticə Azərbaycanda dinc insanların, uşaqların, qadınların ölümü ilə nəticələndi.

Bu barədə Cənab Prezident müxbirin sualını belə cavablandırıb : “Atəşkəsə nail olmaq üçün ikinci cəhd ona görə uğursuz oldu ki, atəşkəs qüvvəyə mindikdən 2 dəqiqə sonra Ermənistan atəşkəsi pozdu, onlar yenə də dinc şəhərlərə hücum etdilər. Ermənistan bir gündə Tərtər şəhərinə 100-dən çox raket atıb. Onlar hərbi mövqelərimizə hücum edirlər. Birinci atəşkəs cəhdindən sonra 24 saatdan az müddətdə onlar Ermənistan ərazisindən ballistik raketlə Azərbaycanın ikinci ən böyük şəhəri Gəncəyə hücum etdilər. Bu da hərbi cinayətdir və Ermənistan hökuməti buna görə məsuliyyət daşıyacaq. Beləliklə, onlar atəşkəsi pozublar”.

“Atəşkəsə birtərəfli qaydada nail olmaq mümkün deyil. Əgər hücum olunursa, nəinki özümüzü müdafiə etməliyik, eyni zamanda, əks-hücuma da keçməliyik. Onlar ikinci dəfə atəşkəsi pozandan sonra Zəngilan şəhəri və bir çox kəndlər azad edildi.

Atəşkəs humanitar zəmində elan olunmuşdur. Moskva bəyannaməsində substantiv danışıqlara və danışıqlar formatının dəyişməz olaraq qaldığına da istinad var idi. Bu isə Ermənistan tərəfindən qondarma “Dağlıq Qarabağ hökumətini” danışıqlara cəlb etmək cəhdlərinin artıq olmayacağı deməkdir. Bu, Azərbaycan və  Minsk qrupu tərəfindən rədd edilmişdir”.

Ermənistan heç bir zaman danışıqlar zamanı  qəbul olunan qərarlara, qətnamələrə əhəmiyyət verməyib. Separatçı rejim hökm sürən ölkə ərazi iddialarını irəli sürərək Azərbaycanın torpaqlarını geri qaytarmaq tələbinə əməl etməkdən boyun qaçırıb. İlham Əliyev: “Bu, Minsk qrupunun vasitəçiliyi ilə iki ölkə arasında razılaşdırılmış əsas prinsiplərin bir hissəsidir. Əsas prinsiplərdə deyilir ki, işğal olunmuş ərazilər Azərbaycana qaytarılmalıdır, qaçqın və məcburi köçkünlər işğal olunmuş bütün ərazilərə qayıtmalıdırlar, o cümlədən Dağlıq Qarabağın ərazisinə, o cümlədən qədim Azərbaycan şəhəri olan Şuşanın ərazisinə”. “Ermənistan hökuməti bu prinsiplərə sadiq olduğunu, bu əraziləri boşaldacağını açıq şəkildə bəyan etməlidir və bundan sonra əlbəttə ki, danışıqlar başlayacaqdır”.

Haqq-ədalət yalnız o zaman bərpa olunar ki, Azərbaycanın işğal olunmuş bütün əraziləri qaytarılmalsın.

Beynəlxalq müşahidəçilər və ya sülhməramlı qüvvələr əsas prinsiplərin bir hissəsidir və hadisələrə birtərəfli münasibət göstərilməməlidir. Lakin bu, sonuncu hissədir. Buna görə, Azərbaycan danışıqlar çərçivəsində bu məsələni ciddi müzakirə etməyib. Minsk qrupunun həmsədrləri olan üç ölkənin münasibəti,  ötən illər ərzində olanlara nəzər salaraq deyə bilərik ki, ermənipərəst mövqedə olub, yəni Azərbaycan torpaqlarının geri qaytarılmasına maraqlı olmayıblar. Və yenə də hadisələrin davamı kimi həmsədr dövlətlərin rəyi nəzərə alınacaq,  öz adından bu müşahidəçilərin tərkibi, sayı, onların nə zaman və hara göndəriləcəyi ilə bağlı təkliflərini verəcəklər. Azərbaycana münasibət dəyişməli, ədalət bərpa edilməlidir:

“Bu, həm də texniki nöqteyi-nəzərdən vacibdir. İndi döyüş əməliyyatlarının aktiv fazasıdır. Bu müşahidəçilər və ya sülhməramlılar harada yerləşdiriləcək? Onların həyatı risk altında ola bilər. Onların mandatı necə olacaq? Onlara mandatı kim verəcək? Aydındır ki, bu barədə danışanda, Azərbaycan ərazisi barədə danışırıq. Bu, Ermənistanın ərazisi deyil. Ona görə də, əlbəttə ki, bununla bağlı həlledici sözü Azərbaycan deməlidir”.

Minsk qrupunun vasitəçiliyi ilə keçmiş Ermənistan hökumətləri ilə irəliləyişə nail olunmuşdu. Böyük olmasa da, hər halda irəliləyiş idi. Lakin əgər 30 il ərzində bir ölkələr qrupu nəticə əldə edə bilmirsə, bu, özü hər şeyi göstərir. Ermənistana heç bir sərt münasibət göstərilməyib. Törətdiyi terror və soyqırımlara siyasi qiymət verilməyib. Həmçinin Minsk qrupunun həmsədrləri BMT Təhlükəsizlik Şurasının daimi üzvləridir. Bu ölkələrin iştirakı və bu ölkələrin səsverməsi ilə BMT Təhlükəsizlik Şurası Ermənistan qoşunlarının Azərbaycan torpaqlarından tam və qeyd-şərtsiz çıxarılmasını tələb edən 4 qətnamə qəbul edib və təəssüf ki, bu qətnamələr kağız üzərində qalıb.

Azərbaycan dünyanın bir çox dövlətləri ilə iqtisadi əməkdaşlıq edir və xüsusilə  “Türkiyənin regional məsələlərdə fəal iştirakına hər zaman güclü dəstək verir. Faktiki olaraq, bu iştirak açıq-aşkardır. Türkiyə indi təkcə regionumuzda deyil, Qafqazda deyil, daha geniş coğrafiyada və dünyada mühüm rol oynayır;

Bu, reallıqdır və bu, Azərbaycan üçün çox yaxşı reallıqdır. Türkiyə Qafqazın 3 ölkəsi ilə sərhədi olan yeganə ölkədir. Başqa heç bir ölkənin onların hər üçü ilə sərhədi yoxdur. Əlbəttə ki, Türkiyə fəal şəkildə cəlb olunmalıdır, Türkiyə cəlb olunub və Azərbaycan bunu möhkəm dəstəkləyir”.

Azərbaycanda bir çox millətlərin nümayəndələri firavan ömür sürürlər. Burada insan  hüquq və azadlıqları qorunur.  Ermənilərin  təhlükəsizliyi, hüquqları Azərbaycanın digər insanlarının hüquqları kimi tam təmin olunacaq:  “1990-cı illərin əvvəlində Dağlıq Qarabağda, əsasən Şuşada, həmçinin Xankəndidə, ermənilərin törətdiyi soyqırımının qurbanı olan Xocalı şəhərində və bir çox başqa şəhərlərdə 40 mindən çox azərbaycanlı yaşayırdı. Ermənilər etnik təmizləmə həyata keçiriblər. Azərbaycan bunu heç vaxt etməyib. Hətta bu toqquşmalar zamanı eyni yolla cavab verməyib”.

Ermənilərin Dağlıq Qarabağa status vermək, referendum keçirmək, buranı Azərbaycandan ayırmaq kimi təklifləri yalnız onların xəyalı, yuxusu  ola bilər: “Azərbaycan bununla heç vaxt razılaşmayacaq. Danışıqlar zamanı Azərbaycan buna razılıq vermədi və indi ərazinin böyük bir hissəsini geri alındığı bir vaxtda bundan söhbət gedə bilməz”. “Öz müqəddəratını təyinetməyə gəldikdə, ermənilər artıq öz müqəddəratlarını təyin ediblər. Onların müstəqil Ermənistan dövləti var. Təsəvvür edin, əgər ermənilər yaşadıqları hər yerdə öz müqəddəratlarını təyin etsələr nə baş verər, dünyada neçə kiçik Ermənistan olar. Bu, əks təsir verən yanaşmadır”. “Öz müqəddəratını təyinetmə beynəlxalq hüququn mühüm amilidir. Heç vaxt Azərbaycan ərazisində ikinci Ermənistan dövlətinin yaradılmasına icazə verilməyəcək. Bundan söhbət gedə bilməz”.

Azərbaycan öz torpaqları uğrunda mübarizə aparır və döyüş bölgələrində yalnız azərbaycanlılar döyüşürlər. Lakin ermənilər döyüşlərə muzdluları, terroristləri gətirirlər. Bunu müsahibəsində İlham Əliyev belə açıqlaylır: “Ermənistanın Baş naziri bunu etiraf edib. O bildirib ki, onlar ermənikökənlidirlər. Birincisi, heç kim bilmir onlar ermənikökənlidir, ya yox. Məlumat var ki, başqa millətlərin nümayəndələri hazırda Ermənistan tərəfdən döyüşür. İkincisi, əgər insan etnik ermənidirsə və başqa ölkənin vətəndaşıdırsa, bu, o demək deyil ki, o, muzdlu deyil. Döyüş meydanında zərərsizləşdirilənlər arasında Livan pasportu olan, Kanada pasportu olan insanlar var”.

Azərbaycan xalqı vətənpərvər xalqdır. Torpaqlarımızın müdafiəsinə vətəndaşlar könüllü olaraq gedir və bu yolda ölməkdən, şəhid olmaqdan qorxmurlar, çünki, torpaq əgər uğrunda ölən varsa, Vətəndir: “Azərbaycana gəlincə, haqqında yalnız şayiələr, yalnız əsassız bəyanatlar yayılır. Heç bir sübut yoxdur. Ona görə də, bu şayiələrə son qoyulmalıdır. Azərbaycan özü döyüşür. Heç bir xarici döyüşçüyə ehtiyacımız yoxdur. Azərbaycanın kifayət qədər insanı, nizami ordusu, kifayət qədər əsgər və zabitləri var”.

Müstəqillik dövründə böyük inkişafa nail olan Azərbaycan bu illər ərzində bir çox mühüm əhəmiyyətli beynəlxalq  layihələrin həyata keçirilməsinə nail olub və bunlar da dövlətimizin dünyada nüfuzunu artırır. “TAP-ın rəsmi açılışı bir neçə həftənin işidir. Kəmərdə hər şey hazırdır. Bakıdan Avropaya tarixi kəmər tamamlanıb. Digər kəmərlərimizə, xüsusilə neft-qaz kəmərlərinə gəlincə, Azərbaycan ərazisində bütün bu illər ərzində, Bakı-Tbilisi-Ceyhanın istismara verildiyi 2006-cı ildən bu yana heç bir hadisə baş verməyib”. “Kəmərlərimiz ərazimizdə lazımi qaydada qorunur. Lakin, əlbəttə, Ermənistanın rəsmi nümayəndələrindən hədələr eşitmişik ki, onlar kəmərlərə hücum edəcəklər, neft-qaz nəqli üçün mühüm olan Səngəçal terminalına hücum edəcəklər. Lakin bu da onların terrorçu xislətinin bir hissəsidir”.

Azərbaycan iqtisadiyyatımızın şaxələndirilməsi ilə bağlı gündəlik var və bu proses uğurla davam edir, deyən İlham Əliyev bildirib ki,  “Hətta baxmayaraq ki, bu il ümumi daxili məhsul aşağı düşür indiyədək geriləmə 4 faizdən aşağı olub. Bəzi başqa ölkələrlə müqayisədə bu, pis nəticə deyil. Lakin qeyri-neft sənayesinə gəldikdə, artım var. Bu, onu göstərir ki, sənaye, biznes imkanları, turizm, innovasiya sektoru və kənd təsərrüfatı, əlbəttə ki, pandemiyadan əvvəl sürətlə inkişaf edirdi”.

Prezidentimizin bu fikirləri də göstərir ki, dünyanın ən inkişaf etmiş dövlətləri də Azərbaycanla dostluq və əməkdaşlıq eyməyə maraqlıdırlar: “Yaponiya şirkətləri Azərbaycanda enerji sahəsində çox fəaldırlar. Yaponiya banklarından alınan kreditlərlə Bakıda iki böyük elektrik stansiyası tikilib. Yeri gəlmişkən, Azərbaycan həm də elektrik enerjisini ixrac edir. Yaponiya şirkətlərini hazırda prioritetlərdən biri olan bərpaedilən enerji sahəsində görmək istəyirik”. “Yaponiya şirkətləri ilə avadanlıq, maşınqayırma, texnologiya, eləcə də kənd təsərrüfatı sahələrində əməkdaşlığımız var. Yaponiya ilə Azərbaycan arasındakı iqtisadi əməkdaşlığın səviyyəsindən məmnunuq”.

Ölkədə demokratik inkişaf müsbət məcrada gedir. Xalq –dövlət  birlik, vəhdət nümayiş etdirir. Torpaqalarımızın azad edilməsi bu gün xalqımızın ən çox arzuladığı  məsələdir və bütün diqqət buna yönəlib. Siyasi partiyalar da dövlətimizin başçısının ətrafında birləşərəl bəyanat veriblər:   “Azərbaycanda siyasi fəaliyyət azadlığı, media azadlığı, ifadə azadlığı, sərbəst toplaşma azadlığı, dini etiqad azadlığı təmin olunub. Bununla bağlı məhdudiyyət yoxdur. İnternet azaddır”.  “Siyasi partiyaların mütləq əksəriyyəti işğal olunmuş ərazilərin qaytarılması ilə bağlı Ali Baş Komandanın yürütdüyü siyasəti tam dəstəkləyir” .

İki siyasi partiya (Xalq Cəbhəsi və Müsavat) hökumətin siyasi dialoqla bağlı təklifini qəbul etmədi. Hökumət bu təklifi bir neçə ay bundan əvvəl etmişdi. Normal dialoqa ehtiyac var, hökumətlə müxalifət arasında, aparıcı partiya ilə digər partiyalar arasında normal, sivil münasibətlərə ehtiyac var. İndi 50 və ya ondan da çox partiya bunu dəstəklədi. Siyasi dialoqun çox aktiv fazasındayıq.

“Birbaşa maliyyələşdirməsi kənardan gələn, həmişə Azərbaycanın milli maraqlarına qarşı çıxan, Ermənistanın ərazilərimizi işğal etdiyi zaman – 1992-1993-cü illərdə hakimiyyətdə olduqları üçün ərazilərimizinitirilməsinə görə məsuliyyət daşıyan bu iki partiya, Xalq Cəbhəsi və Müsavat”.

“Ərazilərin itirilməsinə görə məsuliyyət daşıyan o insanlar bu gün həmin partiyaların demək olar ki, 30 ildir rəhbərləridir. Heç kim demokratiyadan danışmır, heç kim onların bu vəzifədə demək olar ki, 30 il ərzində necə qaldıqları barədə danışmır. Buna görə hökuməti tənqid etmək istəyənlər yaxşı olardı ki, güzgüyə baxsınlar”.

İlham Əliyev hakimiyyətə gəlmədən əvvəl uzun illər 1995-ci ildən 2003-cü ilə kimi parlamentin üzvü olub. Milli Olimpiya Komitəsinin prezidenti və Azərbaycanın AŞPA-dakı nümayəndə heyətinin başçısı olub. Aparıcı siyasi partiya olan Yeni Azərbaycan Partiyasının sədr müavini və sədrin birinci müavini kimi fəaliyyət göstərib. Baş Nazir olub.

Birinci vitse-prezident Mehriban xanım Əliyeva 2005-ci ildən bəri parlamentin üzvü olub. O, sosial və humanitar sahələrlə bağlı olan məsələlərdə çox fəal iştirak edib. O, Qafqazda ən böyük qeyri-hökumət təşkilatı olan Heydər Əliyev Fondunun prezidentidir. Onun azərbaycanlılar arasında güclü dəstəyi var. Küçədə istənilən şəxsdən soruşa və onların onu necə sevdiyini və dəstəklədiyini görə bilərsiniz. O, Yeni Azərbaycan Partiyasının sədr müavinidir. Onun siyasi karyerası qəfil baş verən hadisələrdən ibarət olmamışdır.

Sosial şəbəkə, internet  ölkəmizdə həmişə azad olub. Son zamanlar bir balaca məhdudiyyətləır tətbiq edilsə də vətəndaşlar bunu doğru hesab edir, çünki ölkmizdə müharibə gedir və düşmən hər  vasitədən istifadə edə bilər.  İnsanlar daha çox rəsmi informasiyaya üstünlük verir. Qələbə xəbərini eşitmək istəyi ilə  televiziya kanallarında verilən məlumatları izləyirlər: “Bu məhdudiyyətlər toqquşmalar başladıqdan sonra tətbiq olunmuşdur. Xalqa elan olundu ki, bu, milli təhlükəsizlik məsələləridir, çünki belə bir vaxtda informasiya sistemimizi erməni təxribatından qorumalıyıq. Bu, müvəqqəti səciyyə daşıyır”. “Toqquşmaların aktiv fazası bitən kimi bütün bu məhdudiyyətlər aradan qaldırılacaqdır. Ölkədə internetin əhatə dairəsi çox yüksəkdir və azərbaycanlıların 80 faizdən çoxu internet istifadəçiləridir”.

Torpaqların alınması vəziyyəti köklü surətdə  dəyişəcək. Əvvələn işğal olunan torpaqları geri alındıqlan sonra orada geniş quruculuq işləri aparılacaq və məcburi köçkünlər torpaqlarına qayıdacaqlar: “Sülh regiondakı vəziyyəti tamamilə dəyişəcək. Üç Qafqaz ölkəsinin əməkdaşlıq edəcəyi vaxtı görəcəyik. Azərbaycan və Gürcüstan arasında əməkdaşlıq səviyyəsi çox yüksəkdir. Strateji tərəfdaşıq çərçivəsində Gürcüstanın hazırkı hökuməti ilə mükəmməl əlaqələrimiz var. Bir-birimizi dəstəkləyirik, yaxşı qonşu və dostuq. Baxın, birlikdə nə qədər layihə icra etmişik, neftin nəqli, qazın nəqli, elektrik enerjisinin nəqli, dəmir yolu bağlantısı, Bakı-Tbilisi-Qars, Bakı-Tbilisi Ceyhan, Bakı-Tbilisi-Ərzurum, TANAP və bir çox başqa layihələr”.

“Ermənistanın Azərbaycana qarşı təcavüzə və Türkiyəyə qarşı ərazi iddialarına görə onların Türkiyə ilə sərhədi bağlıdır. Ermənistanın konstitusiyasında Türkiyəyə qarşı ərazi iddiaları yer alır. Türkiyə kimi qüdrətli ölkəyə qarşı ərazi iddialarını gündəmə gətirmək üçün gərək ağılsız olasan. Lakin bu, onların ideologiyasının mahiyyətidir”.

Prezident İlham Əliyev sonda deyib ki, “Türkiyə  və Azərbaycanla münasibətləri normallaşdırmadan Ermənistanın gələcəyi yoxdur. Çünki bazar kiçikdir və daha da kiçilir, əhali azalır, miqrasiya çox yüksəkdir. Bu gün Ermənistanda real əhalinin sayı iki milyondan azdır, və daha da azalacaq, çünki iş yoxdur, xüsusilə indi, onlar, necə deyərlər, işğal olunmuş çox məhsuldar torpaqlardan məhrum olduqda”.

“Azərbaycanın əhalisi artır. Türkiyənin əhalisi 83 milyondur, Azərbaycanın əhalisi 10 milyondur, Ermənistanın əhalisi isə 2 milyondan azdır. Onlar məntiqli olmadığı təqdirdə, işğala son qoymadığı təqdirdə burada 10 il, 20 il, 50 ildən sonra necə yaşayacaqları haqqında düşünməlidirlər. Onlar artıq bu təcavüzə son qoymalıdırlar. Döyüş meydanında onlara kimin kim olduğunu göstərdik. Onların “cəsur ordusu” haqqında bütün mifləri, sadəcə, bir növ dezinformasiya idi. Onların ordusu qaçır. Azərbaycan ordusu onları məğlub edir”.

Qələbə Azərbaycanındır. Qarabağ Azərbaycandır!

Kəmalə Eyyubova,

Texnika üzrə fəlsəfə doktoru

 

 

 

Daha çox

Oxşar yazılar

Bir cavab yazın

Sizin e-poçt ünvanınız dərc edilməyəcəkdir.

Close