“Gənc Ədiblər Məclisi ilk yubileyini festival ilə qeyd etdi”

Gənc Ədiblər Festivalı – Gənc Ədiblər Məclisinin ilk ildönümünü qeyd etmək məqsədilə keçirilmiş festivaldır. Gənc Ədiblər Məclisi – multidissiplinar gənclər maarifçilik platformasıdır. Cəmiyyətimizin bütöv təbəqələrindən olan uşaqların və gənclərin maariflənməsinə, təhsilə və məşğulluğa cəlb olunmasına imkanlar və fürsətlər yaradan inteqrasiya platformasıdır.
Festivalın keçirilməsinə maddi dəstək olanla sırasında Maarif Evinin təsisçisi Emin Abbasov və Moda Kids mağaza şəbəkəsinin rəhbəri Elvin Rzazadə idilər. Tərəfdaşlarımız sırasında Gəncə-Daşkəsən Regional Mədəniyyət idarəsi, Aynurə Əliyeva başda olmaqla Kəlbəcər Uşaq İncəsənət Məktəbi, Sənan İsayev başda olmaqla Bani Seminariyası, Mübariz Həsənov başda olmaqla Alfacin Nəşriyyatı, Mahir Həsənov başda olmaqla Bookzone, Fərid Verdiyev başda olmaqla Birinci Oğullar Bərbərlərin İctimai Birliyi. Festivala vətəndaş cəmiyyəti nümayəndələri, TƏMAS sığınacağından və Gəncə şəhərinin tam orta məkətblərindən uşaqlar, müəllimlər və valideynlər dəvət olunmuşdular. Festivalı musiqili nömrəsində, Üzeyir Hacıbəyli adına Bakı Musiqi Akademiyasının təlləbəsi Şöhrət İsmayılov Hacıbəylinin Sənsiz romansını ifa etdi.
Festivalı təşkil edən, eyni zamanda Gənc Ədiblər Məclisinin təsisçisi Kamran Yusifzadə idi.