Bizimlə həyatınız həmişə işıqlı olacaq!

Gənclərin karyera və şəxsi inkişafı ilə bağlı görüş keçirilib

29

2023-cü ilin fevralın 8-də Mingəçevir Dövlət Universitetinin (MDU) Karyera və İnkişaf Mərkəzində (KİM) Dövlət Məşğulluq Agentliyinin (DMA) Mərkəzi Karyera filialının müdiri, peşəkar təlimçi Toğrul Ələkbərov ilə görüş keçirilib. Sual-cavab formatında təşkil edilən görüşdə MDU-nun bir qrup gənc əməkdaşı, tələbə və magistrantları iştirak ediblər.

Görüşdə şəxsi inkişaf, karyera quruculuğu, əmək bazarı, təlim, təcrübə və məşğulluq imkanları, müasir dövrdə tələb olunan bilik və bacarıqlar və digər mövzular barədə bəhs edilib, fikir mübadiləsi aparılıb və iştirakçıların sualları cavablandırılıb.

Qeyd edək ki, hazırda müasirləşməkdə olan MDU-da gənclərin hərtərəfli inkişafı diqqət mərkəzində saxlanılır, eləcə də onların karyera inkişafı ilə bağlı təcrübələrinin artırılmasına hədəflənən müvafiq tədbirlərin keçirilməsinə xüsusi önəm verilir.

Şərhlər bağlıdır.