Ukrayna “Sunray” adlandırılan yeni lazer əsaslı hava hücumundan müdafiə sistemi hazırlayıb. Bu barədə “The Atlantic” nəşri məlumat yayıb. Bildirilir ki, Rusiyanın davamlı hücumları Ukraynanı daha müasir və texnoloji baxımdan üstün hava müdafiə vasitələri üzərində işləməyə sövq edib. Layihə üzərində çalışan mütəxəssislər sistemin son iki il ərzində bir neçə milyon dollar vəsait hesabına yaradıldığını qeyd ediblər.

Ölkədə rəqəmsal infrastrukturun genişləndirilməsi prosesi tam başa çatdırılıb və “Onlayn Azərbaycan” layihəsi uğurla yekunlaşıb. Layihəyə start verilən zaman ölkə üzrə internetin orta sürəti 12 Mbit/s təşkil edirdisə, hazırda bu göstərici 90 Mbit/s-ə yüksəlib. Dövlət qurumlarında isə internet sürəti 150 Mbit/s-ə çatır. İlin sonunadək bu rəqəmin 200 Mbit/s-ə çatdırılması planlaşdırılır. Hazırda ölkənin bütün bölgələri, o cümlədən ən ucqar yaşayış məntəqələri genişzolaqlı internetlə təmin olunub. Bu fikirləri rəqəmsal inkişaf…

Ermənistan və Azərbaycan liderlərinin Zayed Mükafatını qəbul etməsi hər iki ölkənin sülhə sadiqliyinin göstəricisidir. Bu fikirləri Ermənistanın Baş naziri Nikol Paşinyan səsləndirib. Onun sözlərinə görə, bu addım Ermənistan ətrafında daha müsbət siyasi atmosferin formalaşmasına xidmət edir. Paşinyan bildirib ki, bu, münaqişə ilə bağlı bütün problemlərin tam həll edildiyi demək deyil. Lakin o vurğulayıb ki, münaqişə artıq başa çatıb və bu vəziyyət mövcud məsələlərin həlli üçün əsas yaradır. “Biz yaranmış imkanlardan düzgün…

Qaradağ rayonunda 38 yaşlı qadın hüquq-mühafizə orqanlarına müraciət edərək bildirib ki, sosial şəbəkə vasitəsilə tanış olduğu şəxs onu rüsvayedici məlumatlar yaymaqla hədələyib. Zərərçəkənin sözlərinə görə, həmin şəxs müxtəlif vaxtlarda ondan ümumilikdə 800 manat pul alıb. Qaradağ Rayon Polis İdarəsinin əməkdaşlarının həyata keçirdiyi əməliyyat tədbirləri nəticəsində hədə-qorxu ilə pul tələb etməkdə şübhəli bilinən 23 yaşlı E.Quluzadə müəyyən edilərək saxlanılıb. Faktla bağlı araşdırmalar davam etdirilir.