All Blocks

Rusiya Prezidenti Vladimir Putin ölkənin baş prokuroru vəzifəsinə Aleksandr Qutsanın namizədliyini irəli sürüb. Bu barədə Federasiya Şurasının Konstitusiya Komitəsinin sədri Andrey Klişas məlumat verib. Məlumata görə, Qutsan bu təyinatla İqor Krasnovu əvəz edəcək. Aleksandr Qutsan 65 yaşındadır və 2018-ci ilin noyabrından Rusiya Prezidentinin Şimal-Qərb Federal Dairəsində səlahiyyətli nümayəndəsi kimi fəaliyyət göstərir.

Dövlət Statistika Komitəsinin məlumatına görə, 2025-ci ilin yanvarın 1-nə olan rəsmi statistika əsasında Azərbaycanda 90 yaşdan yuxarı 21 424 nəfər uzunömürlü vətəndaş yaşayır. Paytaxt Bakı bu kateqoriyada ön sıradadır. Burada 90 yaşdan yuxarı 5 166 nəfər qeydiyyata alınıb. Rayonlar üzrə lider Nəsimi rayonu olub – 1 146 nəfər uzunömürlü sakin yaşayır. Yasamal rayonu 640 nəfərlə ikinci sıradadır. Abşeron rayonunda 657, Naxçıvan Muxtar Respublikasında isə 1 597 nəfər 90 yaşdan yuxarıdır. Rayonlar arasında uzunömürlü əhalinin…

Gürcüstanın Şida Kartli bölgəsi, Kareli rayonunda Azərbaycanın SOCAR şirkətinə məxsus avtomobilə silahlı hücum baş verib. Hadisə bölgədəki hakim “Gürcü arzusu” partiyasının ofisinin yaxınlığında qeydə alınıb. İlkin məlumatlara görə, insident zamanı heç kəs xəsarət almayıb. Hadisənin təfərrüatları hələlik açıqlanmır. Gürcüstan Daxili İşlər Nazirliyi insidentlə bağlı istintaqa başladığını bildirərək, hüquq-mühafizə orqanlarının bir nəfəri saxladığını açıqlayıb.

Mingəçevirdə ikimərtəbəli yaşayış evində yanğın baş verib. Fövqəladə Hallar Nazirliyindən bildirilib ki, ümumi sahəsi 190 m² (hər mərtəbəsi 95 m²) olan 6 otaqlı evin mətbəxində mebel və qaz sobası yanıb. Hadisə zamanı evin digər hissəsi yanğından qorunub və yanğın yanğından mühafizə bölmələrinin operativ müdaxiləsi nəticəsində söndürülüb. Bundan əlavə, Oğuz rayonunda da “Kia” markalı minik avtomobilinin mühərrik hissəsində yanğın baş verib. Yanğın avtomobilin digər hissəsinə yayılmadan, müvafiq xidmət əməkdaşları…