Zelenski: Putini İndi Dayandırmaq Daha Ucuz Başa Gələr

BMT Baş Assambleyasının ümumi müzakirələrində çıxış edən Ukrayna Prezidenti Volodimir Zelenski beynəlxalq ictimaiyyətə çağırış edib. O bildirib ki, Rusiya Prezidenti Vladimir Putinin aqressiyasını bu gün dayandırmaq gələcəkdə daha böyük xərclərin və təhlükələrin qarşısını alacaq.

Zelenskinin sözlərinə görə, müharibəni və silahlanma yarışını sonlandırmaq üçün görüləcək tədbirlər nəhəng bunkerlər tikməkdən və ya limanları, gəmiləri qorumağa çalışmaqdan qat-qat az vəsait tələb edir.

“Əgər Putini indi dayandırmasaq, o, müharibəni uzadaraq daha geniş miqyas almasına çalışacaq. Biz hamımız birlikdə və qətiyyətlə hərəkət etməliyik ki, yeni fəlakətlərlə üzləşməyək”, – deyə Zelenski vurğulayıb.

Prezident əlavə edib ki, Rusiyaya qarşı həm silah yardımı, həm də siyasi təzyiq indi göstərilməlidir. Əks halda, təcavüzkarı sonradan dayandırmaq daha baha başa gələcək.