Uitkoff: Tramp İranla dialoqa açıqdır

ABŞ prezidentinin xüsusi nümayəndəsi Stiven Uitkoff Vaşinqtonla Tehran arasında mümkün təmasların perspektivini dəyərləndirib. O, CNBC telekanalına müsahibəsində bildirib ki, Ağ Evin rəhbəri Donald Tramp danışıqlara hər zaman hazır mövqe nümayiş etdirir.

Uitkoffun sözlərinə görə, əsas məsələ dialoqun baş tutmasından çox, onun real nəticə verib-verməyəcəyidir. “Prezident ünsiyyətə açıqdır, lakin vacib olan bu prosesin səmərəli olub-olmamasıdır”, — deyə o vurğulayıb.