Türkiyə, Pakistan və Səudiyyə Ərəbistanı ilə yeni müdafiə əməkdaşlığı qurur
Platforma regionda sabitliyi möhkəmləndirmək və xarici müdaxilələrin qarşısını almaq məqsədi daşıyır
Türkiyə, Pakistan və Səudiyyə Ərəbistanı ilə müdafiə və təhlükəsizlik sahəsində əməkdaşlıq üçün yeni bir platformanın yaradılmasına çalışır.
Prezident Rəcəb Tayyib Ərdoğan bu təşəbbüsü dəstəkləyərək bildirib ki, regionda sabitliyi təmin etmək və xarici müdaxilələrin qarşısını almaq üçün dövlətlərin birgə mexanizmlər üzərində işləməsi vacibdir.
Nəşrlərin yazdığına görə, Türkiyə vurğulayır ki, ölkələr öz inkişaf yolunu müstəqil seçməli, “xarici ssenarilər” qəbul edilməməlidir. Etimadsızlıq mühiti isə regionda qeyri-sabitliyə, terror strukturlarından istifadəyə və xarici müdaxiləyə səbəb ola bilər.
Təşəbbüs çərçivəsində “böhran vəziyyətlərinin operativ idarə olunması” və təhlükəsizlik sahəsində birgə yanaşmaların tətbiqi əsas prioritet kimi göstərilir. Hələlik rəsmi razılaşmalar yoxdur və təşəbbüs üçüncü ölkələrə qarşı yönəlməyib; məqsəd Cənubi Asiya və Yaxın Şərqdə problemlərin birgə həlli üçün əməkdaşlığı genişləndirməkdir.
Şərhlər bağlıdır, lakin trackbacks və pingbacks açıqdır.