Türkiyə–İsrail xəttində gərginlik genişlənir
Egey və Şərqi Aralıq dənizində strateji rəqabət güclənir, Ankara İsrail–Yunanıstan–Cənubi Kipr əməkdaşlığını qüvvələr balansına təsir kimi dəyərləndirir
Türkiyə ilə İsrail arasında artan gərginlik artıq yalnız Qəzza müharibəsi ilə məhdudlaşmır. Egey və Şərqi Aralıq dənizi, eləcə də Suriya və Afrika Buynuzu bölgələrində strateji rəqabət daha da kəskinləşir.
Rəcəb Tayyib Ərdoğan və Kyriakos Mitsotakis arasında baş tutan son görüş müəyyən yumşalma siqnalları versə də, Egey dənizində hərbi status və müstəsna iqtisadi zona sərhədləri kimi əsas mübahisəli məsələlər açıq qalır.
Eyni zamanda, İsrail–Yunanıstan–Cənubi Kipr xəttində müdafiə əməkdaşlığı gücləndirilir. Birgə hərbi təlimlərin keçirilməsi, İsrailin hərbi məsləhət dəstəyi və silah tədarükünün artırılması planlaşdırılır. Ankara isə bu addımları regionda qüvvələr balansına təsir göstərən strateji gediş kimi qiymətləndirir.
Şərhlər bağlıdır, lakin trackbacks və pingbacks açıqdır.