Tramp iranın yeni ali liderinin seçilməsini səhv adlandırıb

ABŞ prezidenti Donald Tramp İranın yeni ali lideri olaraq Müctəba Xameneinin seçilməsini tənqid edib və bunu səhv qərar adlandırıb.

Bu barədə o, NBC telekanalına müsahibəsində danışıb. Tramp bildirib ki, “bu addım böyük səhvdir”.

Bundan əlavə, ABŞ prezidenti İran neftinə nəzarət məsələsi ilə bağlı sualı cavablandırarkən, mövzunun hələ erkən olduğunu söyləyib, amma belə bir variantı tamamilə istisna etməyib. Onun fikrincə, regiondakı münaqişənin gedişi və İran rəhbərliyinin atacağı addımlar gələcək qərarlara təsir edə bilər.