Talibanın qaydaları Əfqanıstanda qadın və uşaqların həyatını təhlükəyə atır

Əfqanıstanda qadınlar və uşaqlar Talibanın tətbiq etdiyi məhdudiyyətlər səbəbindən ciddi təhlükə ilə üzləşirlər. Bu barədə Əfqanıstan üzrə BMT-nin Xüsusi Məruzəçisi Riçard Bennet məlumat verib.

Bennet bildirib ki, qadınlar xəstəxanalara müraciət edərkən kişi qəyyumun müşayiəti, geyim qaydalarına riayət və yalnız kişi həkim tərəfindən müayinə olunmaq kimi tələblərlə qarşılaşırlar. Bəzi hallarda isə kişi müşayiəti olmadığı üçün qadınlara təcili yardım xidməti göstərilmir.

BMT İnsan Hüquqları Şurasına təqdim edilmiş hesabatda qadınların xəstəxana qapısında doğuş etməyə məcbur olduqları, bəzilərinin isə övladlarını xəstəxanaya apara bilmədikləri üçün uşaq itkisi yaşadıqları qeyd olunub.

Ekspert əlavə edib ki, qadınların tibbi təhsilə çıxışının məhdudlaşdırılması gələcəkdə qadın həkimlərin sayını azaldacaq və bu, səhiyyə sisteminin daha da zəifləməsinə səbəb olacaq.

Əfqanıstanın sabiq səhiyyə naziri Suraya Dalil də doğuş zamanı ana və uşaq ölümlərinin artacağına dair narahatlığını ifadə edib.