“44 günlük müharibədən sonra yanvar ayından başlayaraq burada tam təmir-sazlama və bərpa işlərinə başlanılıb. İyun ayının əvvəlində bu stansiyalar – həm “Suqovuşan 1”, həm də “Suqovuşan 2” Kiçik Su Elektrik stansiyaları istismara verilib”.
Bu haqda Mingəçevir Su Elektrik Stansiyasının direktoru Oqtay Pirverdiyev məlumat verib.
Onun sözlərinə görə, “Suvoquşan 1” Kiçik Su Elektrik Stansiyası (KSES) həmin vaxtdan 600 min kilovat saata qədər enerji istehsal edib və “Azərenerji” sisteminə ötürüb:
“Bu stansiyalar Suqovuşan və Talış kəndlərinin enerji təchizatını ödəməklə birlikdə Tərtər 110 kilovotluq yarımstansiyasında “Azərenerji” sistemi ilə əlaqələndirilir. Yəni bütün istehsal olunan enerji Azərbaycanın enerji sisteminə ötürülür. Hazırda stansiya işləmir. Suvarmanın kəskin dövrü olduğu və yuxarıdan gələn suyun miqdarının azlığından su ancaq suvarma məqsədilə kənd təsərrüfatı sahələrinə ötürülür”.
Şüvəlanda yerləşən Şimal-1 Elektrik Stansiyası əsaslı təmir edilib – VİDEO
Şərhlər bağlıdır.