Sabah hava necə olacaq?

Sabah Bakıda və Abşeron yarımadasında hava dəyişkən buludlu, əsasən yağmursuz keçəcək. Gecə və səhər bəzi yerlərdə zəif yağış yağma ehtimalı var.

Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə 6-9, gündüz 10-13 dərəcə isti təşkil edəcək. Atmosfer təzyiqi 764 mm civə sütunundan 761 mm civə sütununa enəcək, nisbi rütubət gecə 80-85%, gündüz 70-75% olacaq.

Ölkənin digər rayonlarında əsasən yağmursuz hava proqnozlaşdırılır, lakin bəzi şərq rayonlarında arabir yağıntı, dağlıq ərazilərdə isə qar gözlənilir. Bəzi yerlərdə duman müşahidə olunacaq, mülayim qərb küləyi əsəcək. Gecə temperaturu 3-7, gündüz 9-14 dərəcə isti, dağlarda gecə 0-5 dərəcə şaxta, gündüz 3-8 dərəcə isti olacaq.