Yeniyetmələrin törətdiyi quldurluq hadisəsi ifşa edildi

Şəmkirdə ev sahibini hədələyərək pulunu və açarlarını zorla alan yeniyetmələr polis tərəfindən saxlanılıb. Hadisə noyabrın 18-də gecə saatlarında baş verib. İki naməlum şəxs yaşayış evinə daxil olaraq ev sahibini kəsici alətlə qorxudub və ona məxsus pul ilə açarları götürərək ərazidən uzaqlaşıb.

DİN-in mətbuat xidmətinin məlumatına görə, polis əməkdaşlarının həyata keçirdiyi əməliyyat-axtarış tədbirləri nəticəsində cinayəti törədən şəxslərin kimliyi müəyyən edilib. Saxlanılanların 2010-cu il təvəllüdlü Elay İsgəndərov və 2007-ci il təvəllüdlü Cəsur Qarayev olduğu bildirilib.

Faktla bağlı Cinayət Məcəlləsinin quldurluq maddəsi üzrə cinayət işi açılıb və istintaq davam edir.