Rusiya və Belarus bayraqları Milan və Kortina Olimpiadasında qadağan edildi

Milan və Kortina d’Ampezzo Olimpiadasında Rusiya və Belarus idmançılarının iştirak edəcəyi yarışlarda bu ölkələrin bayraqları tamamilə qadağan edilib.

TASS-ın əldə etdiyi məlumata görə, müasir və tarixi bayraqlar, eləcə də idmançıların neytral statusda iştirak etdiyi ölkələrlə bağlı digər əşyaların bütün Olimpiya obyektlərinə gətirilməsi qadağandır. Bayraqlar yalnız yarış meydançalarında deyil, media mərkəzində və Olimpiya kəndində də görünməyəcək.

Olimpiya Oyunları 6-22 fevral tarixlərində keçiriləcək və İtaliyada on üç rusiyalı idmançı neytral statusda yarışacaq.