Putin animasiya dünyasında

Rusiya Prezidenti Vladimir Putin məşhur “Prostokvaşino” animasiya serialında personaj kimi təqdim olunacaq.

Bu barədə məlumatı RBC nəşri yayıb. Dərc olunan görüntülərdə Putin serialın əsas qəhrəmanları — Dayı Fyodor, Matroskin, Şarik, Poçtalyon Peçkin və digər obrazlarla birgə təsvir edilib.

Məlumata əsasən, Putinin animasiya serialına daxil ediləcəyi ilə bağlı açıqlama daha əvvəl Sankt-Peterburq Beynəlxalq İqtisadi Forumu çərçivəsində “Soyuzmultfilm” studiyasının Direktorlar Şurasının sədri Yuliana Slaşçeva tərəfindən verilmişdi.

Xatırladaq ki, “Prostokvaşino” cizgi serialı 2018-ci ildən etibarən tamaşaçılara təqdim olunur.