Prezident İlham Əliyev: Azərbaycan və Ermənistan arasında sülh artıq mövcuddur

Azərbaycan Prezidenti İlham Əliyev Münxendə telekanallara verdiyi müsahibədə bu ilin yekunlarında Azərbaycan və Ermənistan arasında sülh müqaviləsinin imzalanıb-imzalanmayacağı mövzusuna münasibət bildirib.

Dövlət başçısı bildirib:
“Bu məsələ tamamilə bizdən asılı deyil. Azərbaycan tərəfi uzun illər ərzində mövqeyini Ermənistan tərəfinə çatdırıb. Ermənistanın Konstitusiyasında zəruri dəyişikliklər edildikdən sonra ertəsi gün sülh müqaviləsini imzalaya bilərik. Buna baxmayaraq, mən hesab edirəm ki, artıq Azərbaycan ilə Ermənistan arasında sülh şəraiti formalaşıb.”