Prezident: Azərbaycan–Ermənistan və Türkiyə–Ermənistan prosesləri paralel gedir

Prezident İlham Əliyev bildirib ki, regional səviyyədə əldə olunan uğurlar olmadan daha geniş miqyaslı, qlobal töhfələrdən danışmaq mümkün deyil. Dövlət başçısının sözlərinə görə, hazırda Azərbaycan–Ermənistan və Türkiyə–Ermənistan münasibətlərinin normallaşdırılması prosesi eyni vaxtda və paralel şəkildə irəliləyir.

Bu fikirləri Prezident İlham Əliyev Davosda keçirilən “Avrasiyanın iqtisadi özünəməxsusluğunun müəyyənləşdirilməsi” mövzusunda panel müzakirəsi zamanı səsləndirib.

Prezident vurğulayıb ki, Türkiyə ilə Ermənistan, eləcə də Azərbaycanla Ermənistan arasında diplomatik münasibətlərin eyni dövrdə formalaşacağına inanır və bu proseslərin bir-birini tamamladığını qeyd edib.