Ölkə üzrə 150-dən çox məktəbə yeni direktorlar təyin olunacaq

Ölkə üzrə 150-dən çox məktəbə yeni direktorlar təyin olunacaq. Ötən il keçirilmiş direktorların işə qəbulu müsabiqəsinin nəticələri artıq açıqlanıb.

Təhsil və Elm Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) məlumatına görə, hazırda vakant olan dövlət ümumi təhsil müəssisələrinə uğurlu namizədlərin təyinatı həyata keçirilir. İlkin nəticələr göstərir ki, müsabiqədən sonra təxminən 100 nəfər vakant vəzifələrə təyin olunacaq.

Müsahibə mərhələsində namizədlər liderlik və strateji idarəetmə bacarıqları, tədris və metodoloji bilikləri, ünsiyyət və qərar qəbuletmə qabiliyyətləri, eləcə də rəqəmsal və sosial bacarıqları üzrə qiymətləndiriləcəklər.

Qeyd edək ki, ötən ilin oktyabr və noyabr aylarında 76 dövlət məktəbi üçün vakant direktor vəzifələrinə müsabiqə elan edilmişdi. Ərizə prosesi və imtahanlar artıq başa çatıb, müsahibə mərhələsi isə gələn həftədən etibarən başlayacaq. Namizədlər prioritet sıralarına uyğun dəvət olunacaq və müsahibənin tarixi, yeri barədə məlumat onların şəxsi səhifələrinə göndəriləcək. Seçim nəticələri elan edildikdən sonra namizədlər müvafiq məktəblərə təyin olunacaqlar.