Narkotikə qarşı əməliyyat
Saxlanılan şəxs narkotik vasitələri sosial şəbəkə vasitəsilə əldə edib və satmaq niyyətində olub; istintaq davam edir.
Paytaxtın Qaradağ rayonunda polis tərəfindən keçirilən əməliyyat nəticəsində əvvəllər məhkum olunmuş 42 yaşlı Elşən Kərimov saxlanılıb. Onun üzərindən və avtomobilindən ümumilikdə 10 kiloqram 821 qram heroin, tiryək, həşiş, marixuana, psixotrop metamfetamin və 100 ədəd metadon həbi aşkar olunub.
Saxlanılan şəxs ifadəsində bildirib ki, narkotik vasitələri sosial şəbəkədə tanış olduğu İran vətəndaşı vasitəsilə əldə edib və satmaq üçün hissələrə ayırmağı planlaşdırıb.
Cari ilin əvvəlindən Qaradağ RPİ-nin əməkdaşları 155 kiloqramdan artıq müxtəlif növ narkotiki qanunsuz dövriyyədən çıxarıb. Elşən Kərimov barəsində başlanan cinayət işi üzrə istintaq araşdırmaları davam etdirilir.
Şərhlər bağlıdır, lakin trackbacks və pingbacks açıqdır.