Misirdə ağır hadisə

Misirin Giza əyalətində yaşayış binasının çökməsi faciə ilə nəticələnib.
İmbaba rayonunda yerləşən çoxmərtəbəli binanın uçması nəticəsində azı səkkiz nəfər həyatını itirib. Hadisədən sonra əraziyə xilasedicilər və təcili tibbi yardım briqadaları cəlb olunub.

Hazırda dağıntılar altında qalanların axtarışı davam etdirilir. Rəsmi qurumlar ölənlərin sayının arta biləcəyini istisna etmir. Hadisənin səbəbləri ilə bağlı araşdırma aparılır.