Mingəçevirdə 2015-ci ildə elektrik enerjisi istehsalı

Mingəçevir respublikanın əsas sənaye mərkəzlərindən biridir. Digər regionlarla müqayisədə Mingəçevir şəhərində sənaye məhsulunun çeşidi daha çoxdur. Şəhərin sənayesi əsasən elektrik enerjisi, qaz və buxar istehsalı, bölüşdürülməsi və təchizatı, qida məhsullarının istehsalı, rezin və plastmas məmulatların istehsalı, maşın və avadanlıqların istehsalı sahələri ilə təmsil olunmuşdur. Mingəçevir şəhərinin sənayesinin  strukturunda elektrik enerjisinin istehsalı aparıcı rol oynayır. 2015-ci ildə ölkə üzrə elektrik enerjisi istehsalının 34,3 faizi Mingəçevir şəhərinin payına düşmüşdür. Elektrik enerjisi, qaz və buxar istehsalı, bölüşdürülməsi və təchizatı sahəsində  7 sənaye müəssisəsi, o cümlədən elektrik enerjisi istehsal edən 2 sənaye müəssisəsi fəaliyyət göstərmişdir. 2015-ci ildə  istehsalın həcmi sənayenin ümumi məhsulunun 95,4 faizini təşkil etmiş elektrik enerjisi, qaz və buxar istehsalı, bölüşdürülməsi və təchizatı bölməsində 252,6 milyon manatlıq məhsul istehsal olunmuşdur.

2015-ci ildə ölkədə istehsal olunan  elektrik enerjisinin (əmtəəlik) 7487,6 milyon kVt.saatı və ya 34,3 faizi Mingəçevirdə fəaliyyət göstərən müəssisələr tərəfindən hasil edilmişdir ki, bunun da 94,6 faizi istilik elektrik stansiyasının, 5,4 faizi su elektrik stansiyasının payına düşür.

Əvvəlki illə müqayisədə şəhərdə istehsal olunmuş elektrik enerjisinin (əmtəəlik) həcmi 2,2 faiz və ya 171,3 milyon kvt. saat az olmuşdur. 2015-ci ildə şəhərdə 4,7 min Qkal istilik enerjisi istehsal edilmişdir ki, bu da əvvəlki il ilə müqayisədə eyni olmuşdur.

 Elektrik enerjisi, qaz və buxar istehsalı, bölüşdürülməsi və təchizatı sahəsində natura ifadəsində  əsas məhsul növlərinin istehsalı

2015-ci ildə elektrik enerjisinin istehsalı və buraxılışının keçən il ilə müqayisəsini aşağıdakı cədvəldən görmək olar.

Elektrik və istilik enerjisinin balansı

İstilik stansiyalarında elektrik enerjisinin istehsalında təbii qaz və soba mazutu yanacağından istifadə olunur. 2015-ci ildə şəhərin istilik stansiyasında təbii qaz və soba mazutu yanacağının sərfiyyatını aşağıdakı cədvəldən görmək olar.

 İstehsala sərf edilmiş yanacaq

Cədvəldən göründüyü kimi, əvvəlki il ilə müqayisədə 2015-ci ildə təbii qaz yanacağından 472,8 milyon kub metr az, soba mazutu yanacağından isə 333,5 min ton çox istifadə olunmuşdur.

Elektrik enerjisi, qaz  və buxar istehsalı, bölüşdürülməsi və təchizatı sahəsində 1784 nəfər və ya cəmi işçilərin 58,9 faizi məşğuldur. 2015-ci ildə elektrik enerjisi, qaz və buxar istehsalı, bölüşdürülməsi və təchizatı sahəsində işləyənlərin sayının əvvəlki illə müqayisədə 7,0 faiz artması müşahidə olunmuşdur. 2015-ci ildə sənaye müəssisələrində hesablanmış cəmi əmək haqqının 74,9 faizi elektrik enerjisi, qaz və buxar istehsalı, bölüşdürülməsi və təchizatı sahəsində mövcud olmuşdur. Orta aylıq nominal əmək haqqı əvvəlki ilin səviyyəsindən elektrik enerjisi, qaz və buxar istehsalı, bölüşdürülməsi və təchizatı sahəsində 3,5 faiz azalmışdır. Elektrik enerjisi, qaz və buxar istehsalı, bölüşdürülməsi və təchizatı sahəsində orta aylıq nominal əmək haqqının səviyyəsi bütövlükdə şəhər sənayesi üzrə olan orta göstəricidən 91,4 manat və ya 25,4 faiz çoxdur.

2015-ci ildə ilkin hesablamalara görə elektrik enerjisi, qaz və buxar istehsalı, bölüşdürülməsi və təchizatı sahəsində 71,9 min manat dəyərində yeni əsas fondlar istifadəyə verilmişdir. 2015-ci ildə bütün maliyyə mənbələri hesabına şəhərin sənaye müəssisələrində əsas kapitala yönəldilmiş investisiyanın 75,1 faizi və ya 4114,0 min manatı elektrik enerjisi, qaz və buxar istehsalı, bölüşdürülməsi və təchizatı sahəsində istehsal təyinatlı obyektlərin tikintisinə yönəldilmişdir. Hesabat dövründə elektrik enerjisi, qaz və buxar istehsalı, bölüşdürülməsi və təchizatı sahəsində əsas kapitala yönəldilmiş investisiyanın 4040,8 min manatı tikinti quraşdırma işləridir.